எல்லை கடந்து செயல்படும் சட்டவிரோத கும்பல் ஒன்றை சிங்கப்பூர், இந்தோனீசிய அதிகாரிகள் முறியடித்து இருக்கிறார்கள். அந்தக் கும்பல் திருடப்பட்ட கடன் அட்டைகளைப் பயன்படுத்தி இணையத்தில் மோசடியான வழிகளில் $100,000 மதிப்புள்ள பலவற்றையும் கொள்முதல் செய்திருப்பதாக நம்பப்படுகிறது. அந்தக் கும்பல் இந்தோனீசியாவிலிருந்து செயல்பட்டதாக தெரிகிறது. இரு நாட்டு அதிகாரிகளும் புலன்விசாரணை நடத்தியதை அடுத்து இந்தோனீசியாவில் நவம்பர் 29ஆம் தேதிக்கும் டிசம்பர் 5ஆம் தேதிக்கும் இடையில் நான்கு பேர் கைதானார்கள். அவர்களுக்கு வயது 19 முதல் 29 வரை.

அயோன் ஆர்ச்சர்ட் கட்டடத்தில் இவ்வாரத்தில் புதிய கடல் உணவகத்தைத் திறந்துள்ளது ஜம்போ குழுமம். கடந்த பத்து ஆண்டுகளில் அந்தக் குழுமம் கடல் உணவகத்தைத் திறந்து இருப்பது இதுவே முதல்முறை. மொத்தம் 5,400 சதுர அடி பரப்பளவில் அமைந்திருக்கும் இந்த உணவகத்தில் ஒரே நேரத் தில் 160 பேர் அமர்ந்து சாப்பிட முடியும். அத்துடன், நான்கு விஐபி அறைகளும் உள்ளன. இதனுடன் சேர்த்தும் ஜம்போ குழுமம் ஆசியாவில் 17 ஜம்போ கடல் உணவகங்களைக் கொண் டுள்ளது. மேலும் ஒரு கடல் உணவகத்தையும் ஒரு தியோ சியூ உணவகத்தையும் குறைந் தது இரு சுய் வா கிளைகளையும் திறக்க அக்குழுமம் திட்டமிட்டு இருக்கிறது.

நண்பனின் பாலியல் உறவுக் காணொளியை இணையத்தில் பதிவேற்றம் செய்த பலதுறைத் தொழிற்கல்லூரி மாணவருக்கு 14 மாதச் சிறைத் தண்டனையும் $8,500 அபராதமும் விதிக்கப் பட்டது. இங் சுவீ கூன், 24, என்ற அந்த மாணவர் இயூ ஸி யிங், 25, என்ற தம் நண்பரிடம் இருந்து ‘வீசேட்’ செயலி மூலம் அந்தக் காணொளியைப் பெற் றார். இயூ, 20 வயதுப் பெண் ஒருவருடன் தனது வீட்டில் உறவு கொண்டதை அவருக்குத் தெரியாமல் படம்பிடித்தார். அந்தக் காணொளியை இங் ‘டம்ளர்’ சமூக ஊடகத்தில் பதிவேற்றம் செய்தார். பாதிக்கப்பட்ட பெண் போலிசில் புகார் அளிக்க, இங் சிக்கினார்.

வசைமாரி பொழிவது, மிரட்டல் விடுப்பது, சில நேரங்களில் தாக்குவது என சிங்கப்பூர் குடிமைத் தற்காப்புப் படையினர் மீதான துன்புறுத்தல்கள் அதிக ரித்த வண்ணம் உள்ளன. இவ்வாண்டு இதுவரை அத்த கைய துன்புறுத்தல்கள் தொடர் பாக 26 வழக்குகள் பதிவாகி உள்ளன. சென்ற ஆண்டில் இந்த எண்ணிக்கை 23ஆக இருந்தது என்று குடிமைத் தற் காப்புப் படை நேற்று தெரிவித்தது. 2016ஆம் ஆண்டில் 20ஆக இருந்த இந்த எண்ணிக்கை இன்னும் குறைந்தபாடில்லை. ஆம்புலன்சில் ஏற்றிச் சென்ற போது நோயாளி ஒருவர், துணை மருத்துவப் படை சார்ஜண்ட் ஜெரமி லியாங்கின் கழுத்தைத் தமது கைகளால் வளைத்துப் பிடித்துக் கொண்டார்.

டிபிஎஸ் ‘பேலா!’ போன்ற மின்னிலக்க பணப்பை (மொபைல் வேலட்) வசதிகளின் அறிமுகத்தால் திறன் பேசிகள் வழி பணம் செலுத்து வோரின் எண்ணிக்கை அதிக ரித்து வருகிறது. இதன்மூலம் சிறு வர்த்தகர்கள் அதிகம் பயனடைந்து வருகின்றனர் என்று சிங்கப்பூர் தேசிய பல்கலைக் கழகத்தின் வர்த்தகப் பள்ளி மேற் கொண்ட ஆய்வின் மூலம் தெரிய வந்துள்ளது. சென்ற ஆண்டு ஏப்ரல் மாதம் டிபிஎஸ் ‘பேலா!’ வசதி அறிமுகப் படுத்தப்பட்டபின் திறன்பேசி வழி பணம் செலுத்துவது இரட்டிப்பாகி உள்ளதாக அந்த ஆய்வு முடிவுகள் கூறுகின்றன.

இவ்வாண்டின் முதல் பத்து மாதங்களில் குடியிருப்புகளில் 2,008 தீச்சம்பவங்கள் இடம்பெற்றதாக சிங்கப்பூர்க் குடிமைத் தற்காப்புப் படையின் புள்ளிவிவரங்கள் தெரிவிக்கின்றன. அவற்றுள் கிட்டத்தட்ட பாதிச் சம்பவங்கள் குப்பைகளைப் போடும் சரிவு வழிகளில் ஏற்பட்டவை. சமைக்கும்போது கவனிக்காமல் விட்டது, கழித்துக்கட்டப்பட்ட பொருட்கள், மின்சாதனங்கள் உள்ளிட்டவற்றால் இதர தீச்சம்பவங்கள் நிகழ்ந்தன. சிங்கப்பூர் குடியிருப்புகளில் கடந்த 2017ஆம் ஆண்டு 2,657 தீச்சம்பவங்களும் அதற்கு முந்தைய ஆண்டில் 2,818 தீச்சம்பவங்களும் நிகழ்ந்தன.

முதியோரின், அதிலும் குறிப்பாக தனியாக வசிப்போரின் நடமாட் டத்தைக் கண்காணிப்பதில் சுகா தாரப் பராமரிப்பு நிபுணர்களுக்கு அல்லது பராமரிப்புச் சேவையாளர் களுக்கு உதவும் விவேக மிதியடி ஒன்றை நன்யாங் பலதுறைத் தொழிற்கல்லூரியும் ‘ஆப்ஸ்= கனெக்ட்’ எனும் உள்ளூர் மின் னணுவியல் நிறுவனமும் சேர்ந்து உருவாக்கியுள்ளன. ‘ஐஓடி நைட் வாச்சர்’ எனும் அந்த மிதியடியில் கால் வைத்த தும் அது கண்காணிக்கத் தொடங்கிவிடும்.

ஈரோடு: ஜனவரி மாதம் முதல் அரசுப் பள்ளிகளில் ‘எல்கேஜி’, ‘யுகேஜி’ வகுப்புகள் தொடங்கப்பட்டு அங்கன்வாடியில் பயிலும் குழந்தைகள் பள்ளிகளுக்கு மாற்றப்படுவார்கள் எனப் பள்ளிக் கல்வித்துறை அமைச்சர் செங்கோட்டையன் தெரிவித்துள்ளார்.

அடுத்த ஆண்டு ஜனவரி 13ஆம் தேதி முதல் புக்கிட் பாஞ்சாங் எல்ஆர்டி கட் டமைப்பு இரவு 11.30 மணிக்கு மூடப்படும். நிலப்போக்கு வரத்து ஆணையமும் எஸ்எம்ஆர்டி ட்ரெய்ன்ஸ் நிறுவனமும் இணைந்து நேற்று இதைத் தெரிவித்தன. பராமரிப்பு மற்றும் புதுப் பிப்புப் பணிகளை வேகப் படுத்தவும் தீவிரப்படுத்தவும் எஸ்எம்ஆர்டி நிறுவனத்துக்கு வாய்ப்பு அளிக்கும் விதமாக இந்தப் புதிய நேர அறிவிப்பு வெளியிடப்பட்டுள்ளது. எல்ஆர்டியின் புதிய சேவை நேரம் காரணமாக 920, 922, 973, 974 ஆகிய பேருந்து சேவைகள் கூடுதல் நேரம் இயங்கும்.

மின்ஸ்கூட்டர் சாதனத்தைப் பதிவு செய்யும் நடைமுறை ஜன வரி 2ஆம் தேதி தொடங்குகிறது. ஜூன் மாதத்திற்குள் அந்த சாதனத்தைப் பதிவு செய்வது அவசியம். பதிவு செய்யத் தவறும் மின் ஸ்கூட்டர் பயனாளர்கள் அபராதம், சிறை போன்றவற்றை எதிர்நோக்குவார்கள் என்று நிலப் போக்குவரத்து ஆணையம் நேற்று அறிக்கை ஒன்றில் தெரிவித்தது. ‘சிங்போஸ்ட்’ அஞ்சல் அலு வலகங்களிலோ ஆணையத்தின் ‘OneMotoring’ இணையத்தளத் திலோ 20 வெள்ளி கட்டணம் செலுத்தி பதிவு செய்துகொள்ள லாம். இருப்பினும் மார்ச் 31ஆம் தேதிக்குள் பதிவுசெய்வோர் இந்தக் கட்டணத்திலிருந்து விலக்கு அளிக்கப்படுவர்.