தேக்கா வர்த்தகம் வதந்தியால் பாதிப்பு

எஸ்.வெங்­க­டே­‌ஷ்­வ­ரன் இர்­‌‌‌ஷாத் முஹம்­மது

பட்ட காலி­லேயே படும் என்­ப­தைப் போல தேக்கா நிலை­யத்­தி­லுள்ள கடைக்­கா­ரர்­கள் மீண்­டும் ஒரு இக்கட்­டான நிலையை எதிர்­நோக்­கு­கின்­ற­னர்.

கொவிட்-19 உல­க­ள­வி­லும் தேசிய அள­வி­லும் அனைத்து வர்த்­த­கங்­க­ளுக்­கும் கடந்த சில மாதங்களில் பெரிய அளவிலான வரு­மான இழப்பை ஏற்­ப­டுத்­தியது. நெருக்கடி காலத்திலிருந்து மீண்டு, நிலைமை மெல்ல சீரடைந்து வரும் வேளை­யில், கடந்த வாரம் தேக்கா நிலை­யத்­தில் உள்ள வர்த்­த­கர்­கள், குறிப்­பாக ஈரச்­சந்­தை­யில் கடை நடத்­து­வோ­ருக்கு மீண்டும் ஒரு சோதனை ஏற்பட்டுள்ளது.

"கொரோனா கிரு­மித்­தொற்­றால் இவ்­வாண்­டின் தொடக்­கத்­தில் ஏற்பட்ட வியா­பார நெருக்­க­டி­யை­விட கடந்த வாரம் ஏற்­பட்ட பாதிப்பு மோச­மா­னது. அறவே வியா­பா­ரம் இல்லை. வழக்­க­மாக வரும் ஒரு சிலர்­கூட இந்­தப் பக்­கமே எட்­டிப் பார்க்­க­வில்லை," என்று வேத­னைப்­பட்­டார் தேக்கா ஈரச்­சந்­தை­யி­லுள்ள 'பீகே ஃபி‌‌ஷ் சபி­லை­யர்' கட­லு­ணவு கடை­யின் உரி­மை­யா­ளர் திரு­வாட்டி ஹரி­கி­ரு­‌ஷ்­ணன் உமா, 45.

இறால், நண்டு போன்ற கட­ல் உண­வு­களையும் காய்கறிகளையும் பல நாட்­கள் வைத்­தி­ருக்க முடி­யாது. அழுகிவிடும். தூக்­கித்­தான் வீச வேண்­டும் என்று சந்தையில் கடை வைத்திருப்போர் அங்க லாய்த்தனர்.

சோகத்துடன் பிறந்த டிசம்பர்

வழக்­க­மாக மாதத் தொடக்­கத்­தில் பல­ருக்­கும் சம்­ப­ளம் கிடைக்­கும் நேரத்­தில் கடை­களில் வியா­பா­ரம் அதி­க­ரிக்­கும். போட்­டி­போட்­டுக்­கொண்டு ஒவ்­வொரு கடை­யும் மக்­களை ஈர்க்க அதி­க­மான பொருட்­களை மாதத்­தின் முதல் ஞாயிற்­றுக்­கி­ழமை தரு­விக்­கும்.

"ஆனால், இம்­மாத தொடக்­கத்­தில் பர­விய வதந்­தி­யால் தேக்கா நிலைய ஈரச்­சந்­தை­யில் வியா­பா­ரம் முழு­மையாகப் படுத்­து­விட்­டது. அனைத்­துப் பொருட்களும் தேங்கி­விட்­டன," என்­றார் தேக்கா நிலையத்­தில் நான்கு கடை­களை நடத்­தி­வ­ரும் 62 வயது திரு முஸ்­தஃபா ‌‌‌ஷாஹுல் ஹமீது.

இறைச்சி வியா­பா­ரம் பாதிப்­பு­அடைந்­தா­லும், பல உணவு கடை­களுக்கு இறைச்சி விநி­யோ­கம் செய்­வ­தால் நஷ்­டம் ஏற்­ப­டா­மல் ஓர­ளவு சமா­ளிக்க முடிந்­த­தாக 'சீனி முகம்­மது' கடை ஊழி­ய­ரான 38 வயது திரு பிரபு கோவிந்­த­ராசு தெரி­வித்­தார்.

"மக்­கள் வந்து வாங்­கு­வது முக்கி­யம். எங்­கள் கடை­யில் மளி­கைப் பொருட்­களை வாங்­கு­ப­வர்­களும் குறைந்­துள்­ள­னர்," என்­று கூறினார் திரு பிரபு.

தேக்­கா­வில் கொரோனா கிருமித்­தொற்று குழு­மம் இல்லை என்­பது தெளி­வு­ப­டுத்­தப்­பட வேண்டும் என்­பது இறைச்சி, மளி­கைக் கடை­கள் வைத்­தி­ருக்­கும் திரு சீனி முகம்­மது­வின் கோரிக்கை.

தேக்கா நிலை­யத்­தில் ஏற்­பட்ட ஒரு கிரு­மித்­தொற்று சம்­ப­வம் ஒரு இறைச்சிக் கடை­ உரி­மை­யா­ளர் தொடர்­பு­டை­யது என்ற திரு சீனி முகம்­மது, அந்­தக் கடைக்­கா­ரர் எப்­போ­தா­வ­து­தான் கடைக்கு வரு­வார் எனக் குறிப்­பிட்­டார்.

"அவர் இங்கு வேலை பார்ப்­பவர் இல்லை. அத­னால் தேக்­கா­வில் கிரு­மித்­தொற்று இருக்­கிறது என்று சொல்ல முடி­யாது என்­றார் அவர்.

தேக்கா ஈரச்­சந்­தை­யில் உள்ள பல கடைக்­கா­ரர்­களும் இதே கருத்தை வெளிப்­ப­டுத்­தி­னர். எப்போ­தா­வ­து­தான் அந்­தக் கடை உரி­மை­யா­ளர் கடைக்கு வரு­வார் என்­றும் மிகக் குறைந்த நேரமே அவர் அங்கே இருப்­பார் என்­றும் அவர்­கள் கூறி­னார்.

உணவுக் கடைகளிலும் கூட்டம் குறைந்தது

தேக்கா நிலைய, உணவங்காடிக் கடைகளிலும் கடந்த ஒரு வாரமாக வியாபாரம் சற்றுக் குறைந்துள்ளது.

கிட்டத்தட்ட 20 விழுக்காடு வியாபாரம் குறைந்துவிட்டதாகக் கூறிய 'ஏ.ஆர்.ரகுமான் கஃபே' உரிமையாளர் திரு முஜிபுர் ரஹ்மான், எனினும் அடுத்தடுத்த வாரங்கள் மீண்டும் பழைய நிலைக்கு வியாபாரம் திரும்பும் என்று நம்புகிறார்.

"இது செய்தியின் உடனடி விளைவு. மக்களின் பயம் சில நாட்களில் குறைந்துவிடும். அவர்கள் பழையபடி கடைகளுக்கு வரத்தொடங்குவர்" என்றார் 48 வயது திரு ரஹ்மான்.

உணவுக் கடைகளுக்குச் செல்வோர் கூட்டமாகச் செல்லாமல் இருப்பதுடன் முறையான பாதுகாப்பு விதிமுறைகளையும் பின்பற்ற வேண்டும் என்றார் அவர்.

ஜோதி ஸ்டோர் ஊழி­ய­ருக்கு இந்தி­யா­வில் தொற்­றி­யது

லிட்­டில் இந்­தி­யா­வில் ஒட்­டு­மொத்­த­மாக கடைக்­கா­ரர்­க­ளுக்கு நடத்­தப்­பட்ட பரி­சோ­த­னை­­யில் கண்டறியப்­பட்ட இரண்டு சம்­ப­வங்­களில் ஒன்று ஜோதி ஸ்டோர் கடை­ஊழி­யர் திரு கிரு­‌‌‌ஷ்­ண­மூர்த்தி குமார்.

அவர் அக்­டோ­பர் மாதம் இந்­தி­யா­வி­லி­ருந்து திரும்­பி­ய­தும் வீட்டில் தங்­க­வேண்­டிய கட்­டாய உத்­த­ரவை குறிப்­பி­டப்­பட்ட இடத்­தில் நிறை­வேற்றி வந்­தார். அச்சமயத்தில் அவ­ருக்கு சிரோ­லஜி பரி­சோ­தனை செய்­யப்­பட்டு அதில் அவ­ருக்கு ஏற்­கெனவே கொவிட்-19 கிருமி தொற்­றி­யி­ருந்­தது தெரி­ய­வந்­துள்­ளது.

"அவ­ருக்கு நோயின் தன்மை குறைந்­துள்­ளது. அது பர­வாது என்றும் உட­லில் அதற்­கான எதிர்ப்பு­சக்தி இருப்­ப­தா­க­வும் மருத்­து­வர்­கள் தெரி­வித்­த­னர்," என்­றார் ஜோதி ஸ்டோர் நிறு­வ­னத்­தின் உரி­மை­யா­ளர் திரு ராஜ்­கு­மார் சந்­திரா.

அவர் தங்­கு­மி­டம் திரும்பி, வேலைக்குத் திரும்பிவிட்டார். தேக்கா வட்டாரத்தில் ஒட்­டு­மொத்த பரி­சோதனை நடத்­தப்­பட்­ட­போது ஜோதி ஸ்டோர் ஊழி­யர்­கள் அனை­வ­ரும் பரி­சோ­த­னைக்கு அனுப்­பப்­பட்­ட­னர். அதில் குமாருக்கு நோய்த்­தொற்று இருப்­பது தெரி­ய­வந்து அவர் மருத்­து­வ­ம­னைக்­குக் கொண்­டு ­செல்­லப்­பட்­டார்.

அங்கு மேற்­கொள்­ளப்­பட்ட சோத­னை­யில் அவ­ருக்கு ஏற்­கெனவே இருந்த கிருமித் தொற்றுத்தான் என்பதை அறிந்து மறு­நாளே மருத்து­வ­ம­னை­யி­லி­ருந்து அவர் வீடு திரும்­பி­னார்.

'தேக்­கா­ பாதுகாப்பானது'

தேக்­கா­வில் பல­ரும் கொவிட்-19 பரி­சோ­த­னை­க­ளைச் செய்­து கொண்டுள்ளனர். கடை­க­ளுக்­கும் கிரு­மி­நா­சினி கொண்டு சுத்­தி­க­ரிப்புப் பணி­கள் நடந்­துள்­ளன. முன்­பை­விட தற்­போது தேக்கா பாது­காப்­பாக உள்­ளது என்­ப­தா­லேயே தாங்­கள் அங்கு பய­மின்றி செயல்­பட முடி­வ­தாக வர்த்­த­கர்­கள் பல­ரும் கூறி­னர்.

சென்ற வாரம் சனிக்­கி­ழமை கொவிட் கிரு­மித்­தொற்று செய்தி வந்­த­தி­லி­ருந்து அதற்கு மறுநாளான ஞாயிற்­று­க்கி­ழ­மை­யி­லி­ருந்து கூட்டம் குறைந்­து­விட்­ட­தா­க­வும் தமது கடை­களில் வியா­பா­ரம் 50% குறைந்­து­விட்­டது என்­றும் திரு முஸ்­தஃபா கூறி­னார்.

பஃப்ளோ சாலை­யில் இயங்­கும் 'சென்னை டிரே­டிங்' காய்­கறிக் கடை­யில் வியா­பா­ரம் 40% வரை குறைந்­துள்­ள­தாக கடை­யின் உரி­மை­யா­ளர் திரு ராம­மூர்த்தி கூற­னார்.

எனி­னும், கேம்­பல் லேன், டன்­லப் ஸ்தி­ரீட் பகு­தி­களில் உள்ள தமது கடை­களில் அவ்­வ­ளவு பாதிப்பு இல்லை என்­றார் அவர்.

லிட்­டில் இந்­தியா செல்ல பயப்­படும் சிலர் வீட்­டிற்கு அனுப்பி வைக்­கும் சேவையை அதி­க­மாக நாடத்­தொ­டங்­கி­யுள்­ள­னர்.

"வாரா­வா­ரம் தேக்கா நிலை­யம் சென்று மீன், இறைச்சி, கோழி, காய்­க­றி­களை வாங்­கு­வேன். பார்த்து வாங்­கி­னால்­தான் எனக்கு திருப்­தி­யாக இருக்­கும். இப்­போது முதல்­மு­றை­யாக கடை­யைத் தொடர்பு­கொண்டு வீட்­டுக்கு அனுப்பி­ வைக்­கச் சொன்­னேன்," என்­றார் 65 வயது திரு ராம் சொக்­க­லிங்­கம்.

மற்­றொரு வாடிக்­கை­யா­ளர் வழக்­க­மாக பொருள் வாங்­கும் கடை­யைத் தொடர்­பு­கொண்டு வேண்­டிய பொருட்­களை பஃப்ளோ சாலை கார் நிறுத்­தி­மி­டத்­திற்குக் கொண்டு வந்து கொடுக்­கு­மாறு கேட்­டுக்­கொண்­டுள்­ளார். தேக்கா சந்தைக்குள் வரவே அவரைப் போன்ற பலரும் பயப்படுவதாக 'டோலா சிக்கன் ஸ்டோர்' கடையின் உரிமையாளர் கூறினார்.

கிரு­மி­யின் வேகத்தை மிஞ்­சும் வதந்தி

தேக்­கா­ வட்டாரத்தில் உள்ள கடைக்­கா­ரர்­க­ளுக்­குச் செய்­யப்­பட்ட கொவிட்-19 பரிசோ­த­னை­யின் மூலம் ஓரிரு சம்­ப­வங்­கள் பதி­வா­கி­யி­ருந்­தா­லும் வதந்­தி­களோ கட்­டுப்­பாடு இல்­லா­மல் பர­வு­கின்­றன.

இத­னால் வீண் பய­மும் தேவை­யில்­லாத இன்­னல்­க­ளுமே விஞ்­சு­கின்­றன என்­றார் தேக்கா நிலை­யத்­தின் இரண்­டாம் தளத்­தில் உள்ள 'மஹி‌‌‌ஷா கலெக்­‌‌ஷன்ஸ்' எனும் கடை­யின் உரி­மை­யா­ளரான திரு முருகை­யன் இளங்கோ, 48.

"தேக்­கா­விற்கு வரு­வோ­ரில் பல­ரும் முதி­ய­வர்­கள். பயத்­தில் பொய்­யான தக­வல்­களை நம்­பி­விடு­கி­றார்­கள். அதி­கா­ர­பூர்வ தளங்­களில் தக­வல்­க­ளைப் பாருங்­கள். யாரோ சொல்­வதை நம்­பா­தீர்­கள் என்று சொல்­லிக்­கொண்­டு­தான் இருக்­கி­றேன்," என்று வருத்­தத்­து­டன் கூறி­னார் திரு இளங்கோ.

"நான் அடிக்­கடி தேக்கா வந்து செல்­வேன். பாது­காப்பு விதி­மு­றை­களை முறை­யா­கக் கடைப்­பி­டித்து வந்த வேலையை சீக்­கி­ரம் முடித்­துக்­கொண்டு கிளம்பி விடு­வேன். தேக்கா மட்­டு­மின்றி சிங்­கப்­பூ­ரில் எந்த இடத்­திற்குச் சென்­றா­லும் இந்த வழி­மு­றை­யையே நான் பின்­பற்­று­வேன். பாது­காப்­பாக இருந்­தால், கிரு­மித்தொற்­றி­லி­ருந்து நம்­மைப் பாது­காத்­துக்­கொள்­ள­லாம். வதந்­தி­களை நம்பி வீணாக பயப்­ப­டத் தேவை­யில்லை," என்­றார் பூகிஸ் பகு­தி­யில் பணி­பு­ரி­யும் திரு ஸா‌ஹிர் ஹுசேன்.

பால் பொங்கும் நேரத்தில் பானை உடைந்தது போல, மெல்ல பழைய நிலைக்குத் திரும்பிக் கொண்டிருந்த லிட்டில் இந்தியா வர்த்தகத்தை அண்மைய கொவிட்-19 கிருமித்தொற்று சம்பவங்கள் அடியோடு முடக்கிவிட்டன.

கடந்த வாரம் தேக்கா நிலையத்திலும் அதைச் சுற்றி உள்ள பகுதிகளிலும் செயல்படும் 876 கடைக்காரர்களுக்கு கொவிட்-19 பரிசோதனை செய்யப்பட்டதில் இருவருக்குக் கிருமித் தொற்று இருந்தது கண்டறியப்பட்டது. ஆனால், இச்செய்தி ஊதிப் பெரிதாக்கப்பட்டது தேக்காவை பெரும் கிருமித்தொற்று பகுதியாக உருவகித்து வதந்திகள் சமூக ஊடகங்களில் நாளுக்குநாள் பல்கிப் பெருகுகின்றன.

அதனால், அச்சமடைந்த மக்கள் தேக்காவை முற்றாகத் தவிர்க்கத் தொடங்கிவிட்டனர். பல மாதங்களாக வியாபாரமின்றி வெறிச்சோடியிருந்த லிட்டில் இந்தியா தீபாவளி விழாக்காலத்தில்தான் மெல்ல மெல்ல களைகட்டத் தொடங்கியது.கடைக்காரர்கள் நீண்டகாலத்திற்குப் பின்னர் நிம்மதி பெருமூச்சு விட்டனர். அதற்குள் மீண்டும் வியாபாரம் படுத்துவிட்டதை நினைத்து மேலும் நொந்துப்போய் நிற்கின்றனர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!