எல்லாத் தரப்பும் தவிப்பு

இந்து இளங்கோவன்

இந்தியாவில் படுமோசமடைந்துள்ள கொவிட்-19 தொற்றின் தாக்கம் பிற நாடுகளிலும் எதிரொலிக்கத் தொடங்கி இருக்கிறது. அவ்வகையில், நீண்டகால அனுமதி அட்டைதாரர்களும் குறுகிய கால வருகை அனுமதி பெற்றவர்களும் இந்தியாவில் இருந்து சிங்கப்பூர் வருவதற்குத் தடை விதிக்கப்பட்டு உள்ளது. எவ்வளவு காலம் நீடிக்கும் எனத் தெரியாத நிலையில், அந்தக் கட்டுப்பாடு இந்திய ஊழியர்களிடமும் தொழில் நிறுவனங்களிடத்திலும் வர்த்தகர்களிடமும் எத்தகைய பாதிப்பை ஏற்படுத்தி வருகிறது என்பதை அறிந்து வந்தது தமிழ் முரசு.

ஊழியர் பற்றாக்குறையும் ஊதிய அதிகரிப்பும்

கொவிட்-19 தொற்று கார­ண­மாக வேலை அனு­ம­திச்­சீட்டு ஊழி­யர்­கள் பல­ரும் தங்­க­ளின் தாய்­நாட்­டிற்­குத் திரும்­பி­விட்ட நிலை­யில், இப்­போது சொந்த ஊர் சென்­றுள்ள இந்­திய வேலை அனு­ம­திச்­சீட்டு ஊழி­யர்­களும் சிங்­கப்­பூர் வர­மு­டி­யாத நிலை ஏற்­பட்­டுள்­ளது.

இத­னால், கட்­டு­மா­னத் துறை கடும் ஊழி­யர் பற்­றாக்­கு­றையை எதிர்­கொண்டு வரு­கிறது. போது­மான ஊழி­யர்­கள் இல்­லா­மல் கட்டு­மா­னப் பணி­களை ஒத்தி வைக்­கும் நிலைக்­கும் இப்­போ­துள்ள ஊழி­யர்­க­ளுக்கு அதிக சம்­ப­ளம் கொடுக்­கும் நிலைக்­கும் கட்­டு­மான நிறு­வ­னங்­கள் தள்­ளப்­ப­டு­கின்­றன.

ஊழி­யர் சம்­ப­ள­மும் கட்­டு­மானப் பொருள்­க­ளின் விலை­யும் 30% முதல் 50% வரை அதி­க­ரித்­துள்­ள­தாக சிங்­கப்­பூர் ஒப்­பந்­த­தா­ரர்­கள் சங்­கம் தெரி­வித்­தது. இத­னால் கட்­டு­மா­னத் திட்­டங்­களை நிறைவு­செய்ய மேலும் கால­தா­ம­த­மா­க­லாம் என்­று அச்­சங்­கம் குறிப்­பிட்­டது.

இந்­தி­யா­விலிருந்து தமது நிறு­வனத்­தில் பணி­பு­ரி­வ­தற்­காக வர­ இருந்த ஐவர், இப்­போது பய­ணத் தடை­யால் வர­மு­டி­யாத நிலை­யில் இருப்­ப­தா­கக் கூறி­னார் 'கேஜிஎம் பிர­தர்ஸ்' நிறு­வ­னத்­தின் நிர்­வாக இயக்­கு­நர் ரம­ணன் மேனன்.

"ஊழி­யர் ஒரு­வ­ருக்கு சரா­ச­ரி­யாக $800 மாத ஊதி­யம் கொடுத்து வந்த நிலை­யில், இப்­போது $1,200 வரை தரவேண்­டிய நிலைக்­குத் தள்­ளப்­பட்­டுள்­ளோம். எங்­கள் நிறு­வனத்­தில் மொத்­தம் 80 பேர் வேலை செய்­கின்­ற­னர். அதில் 70% வெளி­நாட்டு ஊழி­யர்­கள். வெளி­நாட்டு ஊழி­யர்­கள் போது­மா­ன­வர்­கள் இல்­லாத நிலை­யில் நிர்­வா­கப் பொறுப்­பில் உள்ள மற்ற 30% ஊழி­யர்­களின் வேலை அத்­தி­யா­வ­சி­ய­மற்ற ஒன்­றா­கிறது. இது அவர்­க­ளின் வேலை­க­ளை­யும் பாதிக்­கக்­கூ­டும்," என்­றார் அவர்.

சாரக்­கட்டு வேலை­க­ளுக்­காக இம்­மா­தம் இந்­தி­யா­வில் இருந்து ஒன்­பது பேரை வர­வ­ழைக்­கத் திட்­ட­மிட்டு இருந்­தது 'மெக்­நைட் பொறி­யி­யல்' நிறு­வ­னம். இப்­போது அவர்­கள் வர­மு­டி­யா­மல் போயுள்­ள­தால் கட்­டு­மா­னப் பணி­கள் மேலும் இரு மாதங்கள் தாமதமாகலாம் என எதிர்பார்ப்­ப­தாக அந்­நி­று­வனம் கூறி­யது.

கட்­டு­மா­னத் துறைக்கு வெளி­நாட்டு ஊழி­யர்­களே முது­கெ­லும்­பாக உள்­ள­னர். அவர்­களில் பெரும்­பா­லார் இந்­தியா மற்­றும் பங்­ளா­தேஷைச் சேர்ந்­த­வர்­கள். இப்போதைக்கு அவர்கள் இங்கு வர முடியாது என்பதால் வேறு நாடு­க­ளி­ல் இ­ருந்து ஊழி­யர்­களை குறைந்த செல­வு­க­ளோ­டும் தடுப்­பூசி ஏற்­பாடு­க­ளோ­டும் வர­வ­ழைக்க முயற்­சி­கள் இருப்­ப­தாக ஒப்­பந்­த­தாரர்­கள் சங்­கம் தெரி­வித்­தது.

'பணிப்பெண்கள் தேவை'

"கடந்த சில வாரங்­களில் சில குடும்­பங்­கள் எங்­க­ளி­டம் இந்­தி­யப் பணிப்­பெண்­கள் வேண்­டும் எனக் கேட்­டுள்­ள­னர். ஆனால், இப்­போ­தைய சூழ­லில் இந்­தி­யா­வி­லி­ருந்து பணிப்­பெண்­களை அழைத்து வரு­வது கடி­னம். அத­னால் பிற நாடு­களி­லி­ருந்து அதி­க­மான பணிப்­பெண்­களை அழைத்­து­வ­ரும் பணி­யில் இறங்­கி­யுள்­ளோம். இங்­குள்ள தமிழ்க் குடும்­பங்­கள் பெரும்­பா­லும் இந்­தியப் பணிப்­பெண்­க­ளையே வேலைக்கு அமர்த்த விரும்­பு­கின்­ற­னர். இன்­னும் சில மாதங்­களில் நிலைமை மாறும் என்று எதிர்­பார்க்­கி­றோம்," என்­றார் 'ரிசோர்ஸ் மேன்­ப­வர்' பணிப்­பெண் நிறு­வ­னத்­தின் நிர்­வாக இயக்­கு­னர் திரு­வாட்டி நிர்­மலா.

பாச மகள்களைக் காண ஏக்கம்

ஆண்டுக்கு நான்கு முறையேனும் தமிழ் நாட்டின் காரைக்குடியில் வசிக்கும் தமது குடும்பத்தைக் காணச் சென்று வருவார் பொறியாளரான திரு முரளி, 44 (படத்தில் குடும்பத்தினருடன்). ஆனால், கொரோனா பரவலால் கடந்த ஓராண்டுக்கு மேலாக இவரால் இந்தியாவிற்குச் செல்ல முடியவில்லை. குடும்பத்தை நேரில் காண முடியாதது வேதனை தருவதாகக் கூறிய திரு முரளி, "தமிழ்நாட்டில் மார்ச் மாத இறுதிவரை கொரோனா ஓரளவு கட்டுப் பாட்டில் இருந்ததால் ஏப்ரலில் ஊருக்குச் சென்று, என் மகள்களைக் காண ஆவலாக இருந்தேன். ஆனால், நோய்ப் பரவல் மீண்டும் அதிகரித்து, நிலைமையை மோசமாக்கிவிட்டது. அன்றாடம் நான்கு முறையேனும் கைப்பேசிவழி மகள்களுடன் பேசுவேன். ஒவ்வொரு முறையும் 'எப்போது ஊருக்கு வருவீர்கள் அப்பா?' என அவர்கள் கேட்கும்போது, என்னிடம் பதில் இருக்காது. அவர்களை மீண்டும் நேரில் காணும் நாளை எதிர்பார்த்திருக்கிறேன்," என்று சொன்னார் திரு முரளி.

திருமணத்திற்காகச் சென்றவர் திரும்பி வரமுடியாத நிலை

தனது திரு­ம­ணத்­திற்­காக கடந்த ஜன­வரி மாதம் இந்­தியா சென்ற கட்­டு­மா­னப் பொறி­யா­ளர் முத்­துக்­கு­மார், 29, மூன்று மாதங்­க­ளுக்­குப் பின் சிங்­கப்­பூர் திரும்­பத் திட்­ட­மிட்­டி­ருந்­தார். அதற்­கேற்ப, மறு நுழைவு அனு­மதி கோரி விண்­ணப்­பித்த அவ­ருக்கு மூன்­றா­வது முயற்­சி­யில்தான் வெற்றி கிடைத்­தது.

அதைத் தொடர்ந்து, விமா­னப் பய­ணச்­சீட்டு பெற்று கடந்த ஞாயி­றன்று சிங்­கப்­பூர் திரும்­பு­வ­தற்­கான ஆயத்­தங்­களை அவர் செய்­தி­ருந்த நிலை­யில், சிங்­கப்­பூர் அர­சாங்­கத்­தின் பய­ணத் தடை அறி­விப்பு பேரதிர்ச்­சி­யாக அமைந்­தது.

அம்மா, தங்கை, மனைவி என மொத்த குடும்­ப­மும் திரு முத்­துக்­கு­மா­ரின் வரு­மா­னத்தை நம்­பியே இருக்­கிறது. உள்­ளூ­ரி­லும் வேலை கிடைப்­பது கடி­னம் என்ற சூழ­லில், வேலை­யைத் தொடர மீண்­டும் எப்­போது சிங்­கப்­பூ­ருக்­குத் திரும்ப முடி­யும் என்­ப­தும் தெரி­ய­வில்லை.

கடன் சுமை­க­ளைத் தீர்க்க கடன் வாங்கி சிங்­கப்­பூர் திரும்­பு­வ­தற்­கான ஏற்­பா­டு­க­ளைச் செய்த திரு முத்­துக்­கு­மார், இப்­போது அடுத்­த­கட்­ட­மாக என்ன செய்­வது எனத் தெரி­யா­மல் திண­று­வ­தா­கக் கூறி­னார்.

'குடும்பத்துடன் இருப்பதே மனநிறைவு'

ஏழாண்­டு­க­ளாக சிங்­கப்­பூரில் மின்­னி­யல் துறை­யில் வேலை செய்­து­ வந்த திரு ராஜேந்­தி­ரன் விஜ­ய­காந்த், 30, தாம் பிறந்த ஊரான தஞ்­சா­வூர் மாவட்­டம், உடை­ய­குளம் கிரா­மத்­திற்கே இன்று திரும்­பிச் செல்­கி­றார்.

இந்­தி­யா­விற்­குச் சென்­றால் இன்­னும் பல மாதங்­க­ளுக்கு மீண்­டும் சிங்­கப்­பூர் திரும்ப முடி­யா­மல் போக­லாம் என்று பல­ரும் தம்மை எச்­ச­ரித்­த­தா­கக் கூறிய திரு விஜய், ஆயி­னும் தாம் எடுத்த முடிவே தமக்கு மன­நிம்­ம­தி­யைத் தரும் என்று உறு­தி­யாக நம்­பு­கி­றார்.

2019ஆம் ஆண்­டில் தமது திரு­மணத்­திற்­காக இந்­தியா சென்று வந்த அவர், கிரு­மித்­தொற்று கார­ணத்­தி­னால் மீண்­டும் இந்­தியா செல்ல முடி­யா­மல் இருந்­தார். இதற்கு மேலும் பெற்­றோ­ரை­யும் மனை­வி­யை­யும் பிரிந்து இங்கு தனி­மை­யில் இருக்க முடி­யாத திரு விஜய், விடுப்பு பெற்று இன்று மாலை 5.30 மணி விமா­னத்­தில் திருச்­சிக்­குக் கிளம்­பிச் செல்­கி­றார்.

மீண்­டும் சிங்­கப்­பூ­ருக்கு வர­ முடி­யுமா முடி­யாதா என்ற நிச்­ச­ய­மற்ற நிலை­யி­லும் பெற்­றோ­ரை­யும் மனை­வி­யை­யும் காணும் உற்­சா­கத்­தில் அவர் இருக்­கி­றார்.

இந்தியாவில் சிங்கப்பூரர்கள்...

தமிழ்நாட்டின் தஞ்சாவூர் மாவட்டம், காசாங்காடு கிராமத்தில் பிறந்து வளர்ந்த தம் தந்தையின் இறுதிச் சடங்குகளை நிறைவேற்ற இரு வாரங்களுக்குமுன் குடும்பத்துடன் இந்தியா சென்றார் சிங்கப்பூரரரான திரு அருண் பிரகாஷ், 28. அவரின் சகோதரர்கள் இருவரும் ஊதியமில்லா விடுப்பில் சென்றுள்ளனர். சில மாதங்களுக்கு முன்பு வரை தமிழகத்தின் கிராமப் பகுதிகளை கொரோனா தீண்டவில்லை என்ற நிலை இருந்தது. ஆனால், இப்போது அது மூலை முடுக்கெல்லாம் பரவிவிட்டது கண்டு அதிர்ச்சியுற்றதாகக் கூறினார் திரு அருண். "இப்போதைய சூழலில், இலேசாக இருமல் வந்தாலும் பதைபதைத்துப் போவோம். ஆனால், இந்தியாவில் கொரோனா தொற்று சர்வ சாதாரணமான ஒன்றாகி விட்டது வியப்பளிப்பதாக உள்ளது," என்ற அவர், தந்தையின் இறுதிச் சடங்குகளை நிறைவேற்றிய பின் அடுத்த வாரம் சிங்கப்பூர் திரும்பவுள்ளார். இங்கு வந்தபின் அவர் 21 நாள்கள் தம்மைத் தனிமைப் படுத்திக்கொண்டாக வேண்டும். இதனால் தமது வேலையும் பாதிப்படையக் கூடும் என்று கூறினார் திரு அருண்.

பெற்றோரின் பாதுகாப்பை உறுதிசெய்யும் பிரியங்கா

நாள்தோறும் முதல் வேலையாக தமிழ் நாட்டின் வேலூர் மாவட்டத்தில் வசிக்கும் தம் பெற்றோரை 'வாட்ஸ்அப்' வழி தொடர்பு கொண்டு அவர்களின் நலன் அறிந்த பின்னே அன்றைய நாளை தொடங்குகிறார் சிங்கப்பூரில் கடந்த ஈராண்டுகளாக துணை விநியோகத் தொடர் மேலாளராகப் பணிபுரிந்துவரும் திருமதி பிரியங்கா மணி, 29 (படம்). இங்கு கிருமிப் பரவல் கட்டுப் பாட்டில் உள்ளதால் தாம் பாதுகாப்பாக இருப்பதாக உணர்ந்தாலும் இந்தியாவின் நிலையை எண்ணி மனம் அமைதியின்றி இருப்பதாக இவர் குறிப்பிட்டார். ஊரிலுள்ள தம் பெற்றோர் வீட்டைவிட்டு வெளியில் செல்வதைத் தவிர்க்கும் விதமாக, இங்கு இருந்தவாறே இணையம்வழி தேவையான பொருள்களைப் பணிப்பு (order) செய்து, வீட்டு வாயிலிலேயே விநியோகிக்கவும் ஏற்பாடு செய்துவிடுகிறார்.

'உண்மையான தாக்கம் சில வாரங்களில் தெரியும்'

பாதிப்பு குறுகிய காலமே இருக்கும் என லிட்டில் இந்தியா வர்த்தகர்கள் நம்பிக்கை

காய்­கறி, துணி­மணி, மளி­கைப் பொருள்­கள், வழி­பாட்­டுப் பொருள்­கள் என லிட்­டில் இந்­தி­யா­வில் விற்­கப்­ப­டு­வ­ன­வற்­றில் 50 விழுக்­காட்­டிற்­கும்மேல் இந்­தி­யா­வில் இருந்து வரு­கின்­றன. இந்­நி­லை­யில், அங்கு கட்­டுப்­பா­டு­கள் மேலும் கடு­மை­யாக்­கப்­ப­ட­லாம் என்ற அச்­சம் லிட்­டில் இந்­தியா வர்த்­த­கர்­களிடையே நிலவி வரு­கிறது.

இப்­போ­தைக்கு அதன் தாக்­கம் குறை­வாக இருந்­தா­லும் வரும் வாரங்­களில் இறக்­கு­ம­தி­யா­கும் பொருள்­க­ளின் அளவு குறை­வா­க­வும் சரக்கு விமா­னப் போக்­கு­வரத்துக் கட்­ட­ணம் அதி­க­மா­க­வும் இருந்­தால் நிலைமை மோச­ம­டை­ய­லாம் என அவர்­கள் எதிர்­பார்க்­கின்­ற­னர்.

மேலும், இந்­திய ஊழி­யர்­கள் பலர் தாய்­நாடு திரும்­பி­விட்­ட­தால் பொருள்­க­ளைத் தயா­ரிப்­ப­தி­லும் வர்த்­த­கர்­கள் சிர­மத்தை எதிர்­நோக்கி வரு­கின்­ற­னர்.

"எங்­க­ளது கடை­யில் விற்­கப்­படும் பொருள்­களில் 99% இந்­தி­யா­வில் இருந்­து­தான் இறக்­கு­மதி ஆகின்­றன. கடந்த சில வாரங்­களி­லேயே சில பொருள்­கள் வர­வில்லை. இது பாதிப்­பின் தொடக்­கம்­தான். இன்­னும் சில வாரங்­களில் அதன் தாக்­கம் முழு­மை­யா­கத் தெரி­ய­லாம். சிங்­கப்­பூர் இந்­தி­யர்­க­ளின் தேவை­க­ளைப் பூர்த்தி செய்­யும் கைவி­னைப் பொருள்­கள், வழி­பாட்­டுப் பொருள்­கள் ஆகி­ய­வற்­றின் உற்­பத்­தி­யும் இந்­தி­யா­வில் குறைந்­துள்­ளது. சரக்­குக் கப்­பல் போக்­கு­வ­ரத்­துக் கட்­ட­ண­மும் கடு­மை­யாக உயர்ந்­துள்­ளது. இவ்­வாண்டு தீபா­வ­ளிக்­குத் தேவை­யான பொருள்­களை வாங்கு­வ­தற்­கான ஏற்­பா­டு­களை இப்­போதே தொடங்­கி­விட்­டோம்," என்று ஜோதி ஸ்டோர் புஷ்­பக்­கடை தரப்­பில் தெரி­விக்­கப்­பட்­டது.

காய்­கறி வரத்து வழக்­கம்­போல் இருப்­ப­தால் இப்­போது பாதிப்பு பெரிய அள­வில் இல்லை என்­றும் இன்­னும் சில வாரங்­க­ளில்­தான் உண்­மை­யான தாக்­கம் தெரி­யும் என்­றும் 'ஸ்ரீ முரு­கன் டிரே­டிங்' கடை­யி­னர் கூறி­னர். அதே வேளை­யில், அந்­தப் பாதிப்பு குறு­கிய காலமே நீடிக்­கும் என்­றும் அவர்­கள் எதிர்­பார்க்­கின்­ற­னர்.

"பூக்கள், மாலைகள் அனைத்­தும் இந்­தி­யா­வில் இருந்­து­தான் வரு­கின்­றன. கடந்த மூன்று நாள்­களாக பூக்­கள் இறக்­கு­மதி செய்­யப்­ப­ட­வில்லை. இன்று காலை­தான் (கடந்த செவ்வாய்க்கிழமை) பூக்­கள் கொஞ்­சம் வந்­தி­றங்­கின. தொடர்ந்து இது­போல் நிகழ்ந்­தால் எங்­க­ளது வர்த்­த­கம் பாதிக்­கப்­ப­டக்­கூ­டும். இந்­தி­யா­வில் பூக்கள் உற்­பத்­தி­யிலும் சரக்கு விமா­னப் போக்கு­வரத்­தி­லும் பெரிய பாதிப்பு இருக்­காது என்று நம்­பு­கி­றோம்," என்று மீனாட்சி பூக்­க­டை­யி­னர் கூறி­னர்.