வெளிப்படையாகப் பேசித் தீர்வு காண்பதும் ஒருங்கிணைப்பை வலுப்படுத்துவதும் உதவும் இனவாத சுழல் இனவாதம், இந்திய சமூகம், தமிழர்கள் எண்ணிக்கை உள்ளிட்டவை பற்றிய தமது கருத்துகளை அமைச்சரும் சிண்டா தலைவருமான இந்திராணி ராஜா தமிழ் முரசிடம் பகிர்ந்துகொண்டார்

லதா

இன­வாத சம்­ப­வங்­கள் இடம்­பெ­றா­மல் இருக்க சிங்­கப்­பூ­ரர்­க­ளை­யும் இங்கே பணி­பு­ரி­யும் வெளி­நாட்­ட­வரை­யும் ஒருங்­கிணைக்க சிங்­கப்­பூர் இன்­னும் செய்ய வேண்­டி­யது அதி­கம் உள்­ளது என்று நம்­பு­கி­றார் பிர­த­மர் அலு­வ­லக அமைச்­ச­ரும் நிதி, தேசிய வளர்ச்சி ஆகி­ய­வற்­றுக்­கான இரண்­டாம் அமைச்­ச­ரு­மான இந்­தி­ராணி ராஜா.

சிங்­கப்­பூ­ருக்கு வரும் வெளி­நாட்­ட­வர்­கள் இந்த நாட்டு கலா­சா­ரத்­தை­யும் இந்த நாட்டு பழக்­க­ வ­ழக்­கங்­க­ளை­யும் புரிந்­து­கொள்­வது மிக முக்­கி­யம். எந்த நாட்­டுக்­குப் போனா­லும், நீங்­கள் ஒரு விருந்­தி­னர் என்­றால், உங்­கள் கலா­சார அடை­யா­ளங்­க­ளைப் பேணும் அதேவே­ளை­யில் அங்­குள்ள பழக்­க­வ­ழக்­கங்­க­ளுக்கு உங்­களை மாற்­றிக்­கொள்­வது முக்­கி­யம்.

"சிங்­கப்­பூ­ரில் சாதி கருத்­தி­யல் கிடை­யாது. அதை சிங்­கப்­பூர் விரும்­ப­வும் இல்லை. சாதி என்ற கருத்­தி­யல் ஒருவரை ஒரு பிரி­வுக்­குள் அடைத்­து­வி­டும். அந்­தப் பிரிவை மீறி முன்­னேற முடி­யாது.

"சிங்­கப்­பூர் எல்­லா­ரும் முன்­னே­றும், எல்­லா­ருக்­கும் வாய்ப்பு உள்ள, நியா­ய­மான- சம உரிமை வழங்­கும் சமூ­க­மாக எப்­போ­தும் இருந்து வரு­கிறது. நீங்­கள் இந்­தப் பிரி­வில் பிறந்­த­வர், எனவே நீங்­கள் வேறு என்று நாங்­கள் சொல்­வ­தில்லை. நாம் அனைவரும் சிங்­கப்­பூ­ரர்­கள், நாம் அனைவரும் ஒன்று.

"எனவே ஒருங்­கி­ணைப்பு முக்­கி­யம்," என்று கடந்த திங்கள்கிழமை தமிழ் முர­சுக்கு அளித்த விரிவான நேர்­கா­ண­லில் கூறி­னார் குமாரி இந்­தி­ராணி ராஜா.

"அதே­நே­ரத்­தில், வெளிப்­ப­டை­யான முறை­யான உரை­யா­டல்­களை பரஸ்­பர மரி­யா­தை­யோ­டும் நியா­ய­மா­க­வும் பாது­காப்­பான சூழ­லில் அடிக்­கடி நடத்­திக்­கொண்டே இருக்­க­வேண்­டும். எல்­லாம் சரி­யா­கவே இருப்­ப­தாக தோன்­றும் நேரத்­தில் எதிர்­பா­ராத விளை­வு­கள் ஏற்படக்­கூ­டும்.

"தொடர்ந்து உரை­யா­டும்­போது நமக்­குள்ளே பெரிய வித்­தி­யா­சங்­கள் இல்லை என்­பது தெரி­ய­வ­ரும். பல விஷ­யங்­கள் தெரி­யா­மல் செய்­யப்­ப­டு­பவை என்­ப­தும் புரி­ய­வ­ரும். நெருப்பு கொழுந்து­வி­ட்டு எரியாமல் எப்­படி அணைக்­கி­றோம் என்­ப­தில்­தான் எல்­லாம் அடங்­கி­யி­ருக்­கிறது.

"இன­வா­தம் என்­பது ஒவ்­வொரு சமூ­கத்­தி­லும் ஒவ்­வொர் இடத்­தி­லும் எப்­போ­தும் யாரோ ஒருவருக்கு எதி­ராக நீறு­பூத்து நெருப்­பாக இருந்து­கொண்டே இருக்­கும்.

"அவ்­வப்­போது போட்­டித்­தன்மை அதி­க­ரித்து நிகழ்­கா­லம் பற்­றி­யும் எதிர்­கா­லம் குறித்­தும் பயம் ஏற்­படும்­போது இன­வாத உணர்­வு­கள் விசிறி விடப்­ப­டு­கின்­றன, அண்­மை­யில் சிங்­கப்­பூரில் நிகழ்ந்­த­தைப்­போல," என்று விளக்­கி­னார் அமைச்சர் இந்­தி­ராணி.

"சிங்­கப்­பூர் முடக்­க­நி­லைக்­குச் சென்று தொற்று தணிந்­தி­ருந்­தது. நீண்­ட­கா­ல­மாக தொற்று இல்­லா­தி­ருந்த நிலை­யில், அடுத்த மிரட்­ட­லாக இந்­தி­யா­வில் இருந்து டெல்டா கிருமி இங்கு பர­வி­ய­போது மக்­கள் கவ­லைகொள்ளத் தொடங்­கி­னர். கவ­லை­யும் பய­மும் ஏற்­ப­டும்­போது, யார் மீதா­வது குற்­றம் சுமத்­து­வோம். அந்த பயங்கள் சில சந்­தர்ப்­பங்­களில் தேவையற்ற பேச்சாக வெளிப்பட்டன.

"மற்­றொரு பக்­கம், சமூக ஊட­கங்­களில் சிங்­கப்­பூர்- இந்­தியா இடை­யே­யான விரி­வான பொருளி­யல் ஒத்­து­ழைப்பு ஒப்­பந்­தம் (சீக்கா) உள்­ளூர் சிங்­கப்­பூ­ரர்­க­ளின் வேலை­களை இந்­தி­ய நாட்டவர்­கள் கைப்­பற்­று­வ­தாக சித்­தி­ரிக்­கப்­பட்­டது.

"ஒரே நேரத்­தில் இரு விஷ­யங்­கள் நடந்­த­போது, இரண்­டும் ஒன்­றா­கக்­கப்­பட்­டன. அது இன­வா­த­மாக வெளிப்­பட்­டது."

மே 7ஆம் தேதி, 55 வயது இந்­திய சிங்­கப்­பூ­ர­ரான செல்வி ஹிந்­தோசா நிதா விஷ்­ணு­பாயை ஒரு சீன தம்­பதி முக­மூ­டியை சரி­யாக அணி­யு­மாறு கூறி­னர். இது இரு­ த­ரப்­புக்­கும் இடையே வாக்­கு­வாதத்தை உண்­டாக்­கி­யது. அந்த ஆட­வர், இந்­தி­யப் பெண்­ணுக்கு எதி­ராக இன­ரீ­தி­யான கருத்­து­களைக் கூறி அவ­ரைத் தாக்­கி­னார்.

பாசிர் ரிஸ் கடற்­கரைப் பூங்­கா­வில் இந்­திய நாட்டு குடும்­பத்­தைச் சேர்ந்த நான்கு பேர் இன­ரீ­தி­யான வார்த்­தை­க­ளால் காயப்­ப­டுத்­தப்­பட்­டது உட்­பட அடுத்த சில நாட்­களில் வேறு சில சம்­ப­வங்­கள் சமூக ஊட­கங்­களில் வெளி வந்தன.

தொடர்ந்து ஜூன் 5ஆம் தேதி, பல­து­றை­த் தொ­ழிற்கல்­லூரியின் முன்­னாள் விரி­வு­ரை­யா­ளர் டான் பூன் லீ, கலப்­பின ஜோடி­யான தேவ் பிர­காஷ், ஜேக்­லின் ஹோ இரு­வரி­ட­மும் இன­வா­தக் கருத்­து­களை கூறி­னார்.

"இத்­த­கைய தாக்­கு­தல்­கள் ஒரு குறிப்­பிட்ட இனத்­துக்கு எதிராக மட்­டுமே நிகழ்­பவை அல்ல," என்று சுட்­டிய அமைச்­சர், "ஆனால் அவை பொது­வாக அச்­சத்­தின் விளை­வாக இடம்­பெ­று­கின்­றன," என்­றார்.

தொடக்­கத்­தில் வூஹா­னில் இருந்து கிருமி பர­வி­ய­போது சீனர் ­க­ளுக்கு எதிரான இன­வா­தக் கருத்து­கள் கிளம்­பின. சீனா­வி­லி­ருந்து வரும் விமா­னங்­களை நிறுத்த வேண்­டும் என்று கோரிக்கை எழுந்­த­தை­யும் லண்­ட­னில் சிங்­கப்­பூர் மாண­வர், சீன நாட்­ட­வ­ரென தவ­றாக எண்­ணப்­பட்டு தாக்­கப்­பட்­ட­தை­யும் அவர் நினை­வு­கூர்ந்­தார்.

"எனவே, (இன­வா­தத் தாக்­கு­தல்­கள்) பொது­வாக பயத்­தா­லும் சில சந்­தர்ப்­பங்­களில் முழு உ ண் மையை அறி­யா­ம­லும் உரு­வாகிறது.

"கொவிட்-19 கொள்­ளை­நோய் பர­வ­லும் வேலை­கள் குறித்த கவலை­யும் இல்­லை­யென்­றால் இன­வா­தம் சிங்­கப்­பூ­ரில் ஒரு பிரச்­சி­னையாக எழுந்­தி­ருக்­காது. எல்­லா­வற்­றை­யும் ஒன்­றாக முடிச்­சுப்­போடும்­போ­து­தான் பிரச்­சினை தலை­தூக்கு­கிறது.

"எனவே, இவை எல்­லா­வற்­றை­யும் தனித்­த­னி­யா­கப் பார்ப்­பது முக்­கி­யம்," என்­றார் அமைச்­சர்.

"இந்­திய நாட்­ட­வர்­ வேலைகளைப் பறித்­துச் செல்­கி­றார்­கள் என்ற கூற்­றுக்கு அமைச்­சர்­கள் ஓங் யி காங், டான் சீ லெங் இரு­வ­ரும் அண்­மை­யில் நாடா­ளு­மன்­றத்­தில் விளக்­கம் அளித்­த­னர்.

"சீக்கா, இந்­திய நாட்­ட­வர் இங்கு வந்து வேலை செய்ய கட்­டுப்­பா­டில்­லாத உரிமையை அளிக்­க­வில்லை. அது சிங்­கப்­பூ­ரின் குடி­நு­ழைவுக் கொள்­கை­க­ளுக்கு உட்­பட்­டது. அவர்­கள் வேலை அனு­மதி பெறத் தகுதி பெற வேண்­டும்.

"ஏனைய தடை­யற்ற வர்த்­தக உடன்­பா­டு­க­ளைப்போல சீக்­கா­வும் இரு­த­ரப்­புக்­கும் வாய்ப்­பு­களை ஏற்­ப­டுத்­தித் தந்­துள்­ளது. சீக்கா, சிங்கப்­பூ­ருக்கு நன்­மை­யைத் தந்துள்­ளது.

"இரு அமைச்­சர்­களும் கூறி­ய­தைப் போல, வேலை­கள் குறித்த கவலை இங்கே உள்­ளது. உள்­ளூர்­வா­சி­க­ளுக்கு எதி­ரான நியா­ய­மற்ற வேலைக்­ கொள்­கை­களைக் களைய மனி­த­வள அமைச்சு நடவடிக்கை எடுத்­து ­வ­ரு­கிறது.

"முக்­கி­ய­மாக, வேலை­க­ளின் தன்மை மாறி வரு­வதை சிங்­கப்­பூர்­கள் உணர வேண்­டும்.

"மேம்­ப­டுத்­திக்­ கொள்­வதே வழி. இந்­தப் புதிய வேலை­வாய்ப்­பு­க­ளைப் பெற்று, பணி­யில் விரைந்து முன்­னேற புதிய திறன்கள் தேவை. திறன்­கள் இருப்­ப­வர்­களை முத­லாளி­கள் இயல்­பா­கவே நாடு­வார்­கள்," என்றார் அமைச்­சர் இந்­தி­ராணி.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!