விரைவு உணவுப் பாதையில் கோமளாஸ்

கோமள விலாஸ் உண­வ­கத்தை தோ­ற்று­வித்த திரு முரு­கையா ராஜூ­வின் 7 பிள்­ளை­களில் மூன்­றாவது பிள்­ளை­யான திரு ஆர்.டி.சேகர் 1995ஆம் ஆண்­டில் கோம­ளாஸ் விரைவு உண­வ­கத்தை அப்­பர் டிக்­சன் ரோடில் தொடங்­கி­னார்.

நூத­ன­மான முயற்­சி­யாக இந்­திய உணவை விரைவு உண­வாக வகைப்­ப­டுத்தி அதனைக் குறு­கிய நேரத்­தில் வாடிக்­கை­யா­ளர்­க­ளுக்கு வழங்­கும், காலத்துக்கு ஏற்ற இச்­சேவை மக்க ளி­டையே நல்ல வர­வேற்­பைப் பெற்­றுள்­ளது.

"இந்­திய உண­வ­கங்­களில் சமை­யல் வல்­லு­நர்­களும் முன்­னிலை ஊழி­யர்­களும் கிடைப்­பது சிர­ம­மா­னது. குறைந்த ஆள்­ப­லத்­து­டன் அதிக வாடிக்­கை­யா­ளர்­களுக்குச் சேவை­யாற்ற இந்த விரைவு உணவு அணு­கு­மு­றையே உகந்­தது," என்று கோம­ளாஸ் உண­வ­கத்­தின் உரு­வாக்­கத்­தைப் பற்றி விளக்­கி­னார் அதன் உரி­மை­யா­ளரான 62 வயது திரு ஆர்.டி.சேகர்.

உணவைத் தாமே எடுத்துச்செல்லும் அணுகுமுறை சீக்­கி­ர­மாக உண­வைப் பெற்று உண்ண விரும்­பும் வாடிக்­கை­யா­ளர்­க­ளுக்கு வரப்­பி­ர­சா­த­மாக அமைந்­தது என்று குறிப்­பிட்ட திரு ஆர்.டி.சேகர், இருபது நிமி­டத்­திற்­குள் ஒரு வாடிக்­கை­யா­ளர் உணவை உண்டு செல்ல இது உத­வு­கிறது என்­றார்.

முன்பு தீவு முழு­வ­தும் 10க்கும் மேற்­பட்ட கோம­ளாஸ் கிளை­கள் இயங்கின. தற்­போது அந்த எண்­ணிக்கை ஐந்தாக குறைந்துள்­ளது.

"உண­வ­கத்­திற்குத் தேவைப்­படும் சமையல் வல்­லு­நர்­களை 'எஸ்-பாஸ்' வேலை அனு­மதி அடிப்­ப­டை­யில் இங்கு அழைப்பதற்கான விதி­மு­றை­கள் கடு­மை­யா­ன­தால் சில கிளை­களை மூட வேண்டியாயிற்று.

"பாரம்­ப­ரிய இந்­திய உண­வ­கங்­கள் நிலைத்­தி­ருக்க அர­சாங்கத்தின் தற்­போ­தைய மனி­த­வளக் கொள்­கைகள் சிலவற்றை மறு­ஆய்வு செய்­தல் முக்­கி­ய­மா­கும்," என்று கருத்துத் தெரி­வித்­தார் திரு ஆர்.டி.சேகர்.

கோமளாஸ் எனும் வணிகப் பெயரைப் பயன்படுத்தி, 'கோம­ளாஸ் வெஜி மார்ட்' எனும் காய்­கறி வியா­பா­ரத்தை திரு ஆர்.டி.சேக­ரின் ஆக இளைய தம்பியான 52 வயது திரு ராஜூ சந்­தி­ர­சே­க­ரன் வழி­ந­டத்தி வரு­கி­றார்.

செய்தி: ப. பாலசுப்பிரமணியம்