எவரெஸ்ட் அடிவார முகாமுக்கு நடந்துசென்ற 6 வயதுச் சிறுவன்

பொன்­மணி உத­ய­கு­மார்

ஆறு வயது ஓம் மதன் கார்க் தன் தந்தை மயூர் கார்க், 38, தாயார் காயத்­திரி மஹேந்­தி­ரம், 39, இரு­வ­ரு­டன் எவ­ரெஸ்ட் சிகர அடி­வார முகாம்­வரை நெடு­வழி நடைப்­ப­ய­ணம் சென்­று­வந்­தி­ருக்­கி­றார்.

இரண்­டரை வய­தி­லி­ருந்து தன் பெற்­றோ­ரு­டன் இத்­த­கைய நெடுந்­தொ­லை­வுப் பய­ணங்­களை மேற்­கொள்­ளும் ஓம், இவ்­வாண்டு இம­ய­ம­லைப் பய­ணத்­தின் மூலம் சிங்­கப்­பூர் சாத­னைப் புத்­த­கத்­தில் இடம்பிடித்­தி­ருக்­கி­றார். கடந்த செப்­டம்­பர் 28ஆம் தேதி முதல் சென்ற மாதம் 7ஆம் தேதி வரை இந்­தப் பய­ணம் இடம்­பெற்­றது.

நெடு­வழி நடைப்­ப­ய­ணங்­கள் ஓமுக்கு மிகவும் பிடித்துள்ளன. முதன்­மு­த­லாக மலைத்­தொ­ட­ரில் பர­விக் கிடந்த பனித்­து­கள்­க­ளைக் கண்டு பர­வ­ச­ம­டைந்­த­தா­கக் கூறும் இவர், இம­ய­ம­லைப் பய­ணத்­தில் எல்லா அம்­சங்­க­ளுமே தனக்­குப் பிடித்­தி­ருந்­த­தா­கக் கூறி­னார்.

இந்­தப் பய­ணத்­தில், சிங்­கப்­பூரிலி­ருந்து சென்­றி­ருந்த இந்­தி­யர்­க­ளைக்கொண்ட மற்­றொரு பய­ணக் குழு­வை­யும் இவர்­கள் சந்­தித்­த­னர். அவர்­கள் தங்­கள் குழு­வுக்­கான அடை­யா­ளச் சட்­டை­களில் ஒன்­றைத் தனக்கு அன்­ப­ளிப்­பாக அளித்­ததை நினை­வு­கூர்ந்­தார் ஓம்.

உற்­சா­கம் நிறைந்த இந்­தப் பய­ணத்­தில், சில தடங்­கல்­க­ளை­யும் இவர்­கள் எதிர்­கொண்­ட­னர். நேப்­பா­ளத்­தின் காத்மாண்டு நக­ருக்­குச் சென்று அங்­கி­ருந்து லுக்லா கிரா­மத்­தைச் சென்­ற­டை­வது இவர்­கள் திட்­டம்.

ஆனால் இந்­தச் சிறிய பய­ணத்தை மேற்­கொள்ள அவர்­கள் காத்மாண்டு விமான நிலை­யத்­தில் மூன்று நாள் காத்­தி­ருக்க நேரிட்­டது. மேகமூட்­ட­மாக இருந்த வானிலை மாறும்­வரை காத்­தி­ருந்­த­தால் நடைப்­ப­ய­ணத்தைத் தாம­த­மா­கத் தொடங்­கும் நிலை ஏற்­பட்­டது.

லுக்லா கிரா­மம் கடல் மட்­டத்­தில் இருந்து 2,860 மீட்­டர் உய­ரத்­தில் உள்­ளது. அங்­கி­ருந்து எவ­ரெஸ்ட் அடி­வார முகா­முக்­குச் செல்ல 65 கிலோ­மீட்­டர் தொலை­வைக் கடக்­க­வேண்­டும். தொடர்ந்து 10 நாள்­கள் நடந்து 5,364 மீட்­டர் உய­ரத்­தில் உள்ள அடி­வார முகாமை எட்­டி­னர்.

பய­ணத்­திற்­காக, முன்­கூட்­டியே இவர்­கள் குடும்­ப­மாக பயிற்­சி­யில் ஈடு­பட்­ட­னர். அப்பயிற்சி, சிறு­வன் ஓமுக்­குக் கடி­ன­மா­கத் தோன்­றாத வகை­யில் ஏதோ ஒரு விளை­யாட்­டைப்­போல மேற்­கொண்­ட­னர் பெற்­றோர். இப்­போது 10 கிலோ­மீட்­டர் தொலை­வுக்­கான சவால்­மிக்க நடைப்­பயணங்­க­ளையே ஓம் விரும்­பு­வ­தாக அவர்­கள் கூறி­னர்.

இயற்­கைச் சூழ­லில் 12 இரவு­க­ளைக் கழித்த திரு­மதி காயத்­திரி, இம­ய­ம­லைத்­ தொ­ட­ரின் அழ­கைக் கண் இமைக்க மறந்து வியந்­த­தா­கக் கூறு­கி­றார்.

"வீட்­டில் அனு­ப­விக்­கும் வசதி­களை எவ்­வ­ளவு விரை­வாக மறந்து இயற்­கை­யி­டம் சர­ண­டை­கி­றோமோ அவ்­வ­ளவு விரை­வாக இயற்­கை­யின் அழ­கை­யும் அற்­பு­தத்­தை­யும் நாம் உணர முடி­யும்," என்­றார் உடல் இயக்க மருத்­துவ சிகிச்­சை­ அதிகாரியான இவர்.

காயத்திரியை 10 ஆண்­டு­களுக்கு முன்பு சந்­தித்­த­தா­கக் கூறி­னார் வங்­கி­யில் வணிக ஆய்­வா­ள­ரா­கப் பணி­பு­ரி­யும் மயூர்.

ஏறக்­கு­றைய 18,380 அடி உய­ரத்­தில் அமைந்­தி­ருக்­கும் 'கர்­துங் லா' எனும் மலை­வ­ழிச் சாலைப் பகு­திக்கு இரு­வ­ரும் நடைப்­ப­ய­ணம் சென்­றி­ருந்­த­னர். அங்­கு­தான் காயத்­தி­ரி­யி­டம் தன்னைத் திரு­ம­ணம் செய்­து­கொள்­ளும்­படிக் கேட்­ட­தாக மயூர் கூறி­னார்.

இரு­வ­ரும் தங்­கள் பய­ணங்­களை­யும் அனு­ப­வங்­க­ளை­யும் காணொ­ளி­க­ளாக சமூக ஊட­கங்­களில் வெளி­யி­டு­கின்­ற­னர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!