வாய்ப்பை நிராகரித்த டெரி

லண்டன்: இங்கிலாந்து, செல்சி காற்பந்துக் குழுக்களின் முன்னாள் தலைவரான ஜான் டெரி, 37, ரஷ்யக் குழுவான ஸ்பார்ட்டக் மாஸ்கோவுடன் இணைந்து விளையாடும் வாய்ப்பை ஏற்க மறுத்துவிட்டார். டெரி அண்மையில் ஸ்பார்ட்டக் குழுவின் மருத்துவச் சோதனையில் பங்கேற்றதாக பிரிட்டிஷ் ஊடகங்கள் தெரிவித்தன. அவருக்கு 3 மில்லியன் பவுண்டு வழங்க அக்குழு தயாராக இருந்ததாகக் கூறப் பட்டது. இந்த நிலையில், குடும்பத்தைக் காரணம் காட்டி ஸ்பார்ட்டக்கில் சேர அவர் மறுத்துவிட்டதாகச் சொல்லப்படுகிறது.