இங்கிலாந்து டெஸ்ட் கிரிக்கெட் அணித் தலைவர் பென் ஸ்டோக்ஸ் டெஸ்ட் கிரிக்கெட் வரலாற்றில் வித்தியாசமான சாதனையைப் படைத்துள்ளார்.
அயர்லாந்து அணிக்கு எதிரான ஒரே ஒரு டெஸ்ட் போட்டிக் கொண்ட தொடரை இங்கிலாந்து அணி பத்து விக்கெட் வித்தியாசத்தில் வென்றது.
ஆட்டத்தின் இரண்டு இன்னிங்சிலும் அணித் தலைவர் ஸ்டோக்ஸ் பந்து வீசவில்லை, பந்தடிக்கவும் இல்லை.
அதன் மூலம் ஒரு டெஸ்ட் ஆட்டத்தை பந்து வீசாமலும், பந்தடிக்காமலும் கீப்பிங் செய்யாமலும் வெல்லும் முதல் அணித் தலைவர் என்ற சாதனையை ஸ்டோக்ஸ் படைத்தார்.
காயங்கள் காரணமாக கடந்த சில மாதங்களாக ஸ்டோக்ஸ் தடுமாறிவருகிறார்.
அண்மையில் நடந்த முடிந்த ஐபிஎல் கிரிக்கெட் தொடரில் சென்னை சூப்பர் கிங்ஸ் அணியால் பெரும் தொகைக்கு வாங்கப்பட்ட ஸ்டோக்ஸ் ஒரு சில போட்டிகளில் மட்டுமே விளையாடினார்.
எதிர்வரும் ஆஸ்திரேலியாவுக்கு எதிரான ஆஷ்சஸ் தொடரில் இங்கிலாந்து வெற்றிபெற ஸ்டோக்சின் பங்கு மிக முக்கியமானதாகப் பார்க்கப்படுகிறது.