இந்தியா-ஆஸ்திரேலியா ஒருநாள் தொடர்: சென்னையில் தலையெழுத்து நிர்ணயிக்கப்படும்

இந்திய-ஆஸ்திரேலிய கிரிக்கெட் அணிகளுக்கு எதிரான ஒருநாள் கிரிக்கெட் தொடரை வெல்லப்போவது எந்த அணி என்பதை நிர்ணயிக்கும் ஆட்டம் புதன்கிழமை (மார்ச் 22) சென்னையில் நடைபெறுகிறது.

விசாகப்பட்டினத்தில் நடந்த இரண்டாவது ஒருநாள் ஆட்டத்தில் 117 ஓட்டங்களை மட்டுமே எடுத்து ஆட்டமிழந்ததைத் தொடர்ந்து, இறுதியாட்டத்தில் காலெடுத்துவைக்கும் இந்திய அணிக்குச் சோதனை காத்திருக்கிறது.

கடந்த ஆட்டத்தில் அபாரமாக விளையாடிய ஆஸ்திரேலியாவின் மிட்செல் ஸ்டார்க்கின் வேகப்பந்துவீச்சுக்கு இந்திய வீரர்கள் ஈடுகொடுத்து விளையாட வேண்டும்.

2019க்குப் பிறகு இந்திய அணி ஒருநாள் தொடரில் தோல்வியுற்றதே இல்லை.

நடப்பு ஒருநாள் தொடரின் முதலிரு ஆட்டங்களில் 147 ஓட்டங்களை எடுத்து வலுவான நிலையில் உள்ளார் ஆஸ்திரேலியாவின் மிட்செல் மார்ஷ். அதேபோல முதலிரு ஆட்டங்களில் எட்டு விக்கெட்டுகளை வீழ்த்தி இந்திய அணிக்குப் பெரும் தலைவலியை ஏற்படுத்தியுள்ளார் ஸ்டார்க்.

சென்னை, எம்.ஏ.சிதம்பரம் அரங்கில் இந்திய அணி இதுவரை 13 ஒருநாள் ஆட்டங்களில் விளையாடியுள்ளது. அவற்றில் ஏழு ஆட்டங்களில் வென்றும் ஐந்தில் தோல்வியும் கண்டது.

இந்திய அணி கடைசியாக அங்கு விளையாடிய ஐந்து ஆட்டங்களில் மூன்றில் வென்றும் இரண்டில் தோல்வியும் அடைந்தது.