வலைப்பந்து: சிங்கப்பூர் அணியை வீழ்த்தி கிண்ணம் ஏந்திய கென்யா

மிர்சஸ் நேஷன்ஸ் கிண்ண வலைப்பந்துப் போட்டிக்கான இறுதி ஆட்டம் செப்டம்பர் 7ஆம் தேதி மாலை சிங்கப்பூரில் உள்ள ஓசிபிசி அரீனாவில் நடைபெற்றது.

ஆட்டத்தை நேரில் காண ஏறத்தாழ 1,280 பேர் திரண்டனர்.

இறுதி ஆட்டத்தில் சிங்கப்பூர் அணியை 61 -33 எனும் புள்ளிக் கணக்கில் உலகத் தரவரிசையில் 30வது இடத்தில் உள்ள கென்யா வீழ்த்தி கிண்ணத்தை வென்றது.

இதுவே கென்யா மகளிர் அணி வென்றுள்ள முதல் அனைத்துலகக் கிண்ணம் என்பது குறிப்பிடத்தக்கது.

ஆட்டத்தின் துவக்கத்திலிருந்து கென்யா ஆதிக்கம் செலுத்தியது.

இடைவேளையின்போது அது 30-20 எனும் புள்ளிக் கணக்கில் முன்னிலை வகித்தது.

வெற்றிக்கு கென்யா அணியினர் மேற்கொண்ட கடுமையான பயிற்சிதான் காரணம் என்று அவர்களது பயிற்றுவிப்பாளர் அலி முகிஷா கூறினார்.

இதற்கிடையே, மூன்றாவது இடத்தை நிர்ணயிக்கும் ஆட்டத்தில் அயர்லாந்தை 52-46 எனும் புள்ளிக் கணக்கில் ஐக்கிய அரபு சிற்றரசுகள் வீழ்த்தியது.

தொடர்புடைய செய்திகள்

வலைப்பந்து இறுதி ஆட்டத்தில் சிங்கப்பூர்; கோல்காப்பாளர் மிஷாலினி அசத்தல்

மற்றோர் ஆட்டத்தில் கனடாவை 61-38 எனும் புள்ளிக் கணக்கில் சிங்கப்பூர் ‘ஏ’ அணி தோற்கடித்து ஐந்தாவது இடத்தைப் பிடித்தது.