அண்மையில் முடிவுபெற்ற இங்கிலிஷ் பிரிமியர் லீக் பருவத்தில் தொடர்ந்து வெற்றிகளை குவித்து வந்த மான்செஸ்டர் யுனைடெட் அணியின் வேட்டை தொடர்கிறது.
சிங்கப்பூர் நேரப்படி இன்று (ஆகஸ்ட் 11ஆம் தேதி) அதிகாலை நடந்த ஐரோப்பா லீக் ஆட்டத்தில் அது 1-0 என்ற கோல் கணக்கில் டென்மார்க் குழுவான கொப்பன்ஹேகன் வென்று போட்டியின் அரைஇறுதி சுற்றுக்கு முன்னேறியது.
ஆட்டத்தின் கூடுதல் நேரத்தில் பெனால்ட்டி வாய்ப்பு வழி தமது குழுவுக்கு வெற்றியை தேடித்தந்தார் மான்செஸ்டர் யுனைடெட் குழுவின் நட்சத்திர ஆட்டக்காரர் புரூனோ ஃபர்னான்டேஸ்.
எதிரணியின் அரங்கில் ஆட்டத்தை மந்தமாக தொடங்கிய யுனைடெட் முதல் பாதியில் போதிய கோல் வாய்ப்புகளை உருவாக்கவில்லை.
இரண்டாம் பாதியில் யுனைடெட்டின் ஆட்டக்காரர்களின் ஃபர்னான்டேஸ், கிரீன்வுட் ஆகியோரின் கோல் முயற்சிகள் எதிரணியின் கோல் கம்பத்தின் மீது பட்டது ஆனால் வலைக்குள் செல்லவில்லை.
இந்த வெற்றியைத் தொடர்ந்து யுனைடெட் போட்டியின் அடுத்த சுற்றில் இங்கிலாந்தின் ஓல்வர்ஹேம்டன் குழு அல்லது ஸ்பானிய குழுவான செவியாவுடன் மோதும்.
இந்த ஆட்டம் சிங்கப்பூர் நேரப்படி, வரும் திங்கள் அன்று (17/8), அதிகாலை 3 மணிக்கு நடக்கும்.