மேன்யூவை நெருங்கும் ஸ்லாட்டன்

மான்செஸ்டர்: அனைத்துலகக் காற்பந்தில் இருந்து ஓய்வுபெற்ற சுவீடன் வீரர் ஸ்லாட்டன் இப்ராகிமோவிச், 34 (படம்), மான்செஸ்டர் யுனைடெட் காற்பந்துக் குழுவுடன் ஒப்பந்தம் செய்யப்படலாம் எனத் தெரிகிறது. இவர் அடுத்த வாரம் மேன்யூவின் மருத்துவச் சோதனையில் பங்கேற்பார் எனத் தகவல்கள் வெளியாகியுள்ளன. இதற்கிடையே, ஆர்மீனிய வீரர் ஹென்ரிக் மகிதார்யானை தன் பக்கம் இழுக்கும் மேன்யூவின் முயற்சியும் ஈடேறும் நிலையில் உள்ளதாகத் தெரிகிறது.