ரியால் குழுவைக் காத்த ராமோஸ்

பார்சிலோனா: ஸ்பானிய லா லீகா காற்பந்தின் நடப்பு வெற்றியாளரான பார்சிலோனா இந்தப் பருவத்தில் வாகை சூட முடியாதபடி பெரும் முட்டுக்கட்டையாக விளங்கி வருகிறது அதன் பரம எதிரியான ரியால் மட்ரிட் காற்பந்துக் குழு. பார்சாவின் நூ காம்ப் அரங்கில் கடந்த வார இறுதியில் நடந்த இவ்விரு குழுக்களுக்கு இடையிலான 'எல் கிளாசிகோ (தி கிளாசிக்)' ஆட்டம் 1-=1 எனச் சமனில் முடிந்தது. சுவாரெஸ் 53வது நிமிடத்தில் அடித்த கோலால் முன்னிலை பெற்றது பார்சா. அந்த நிலை 89வது நிமிடம் வரை நீடித்தபோதும் 90வது நிமிடத்தில் தலையால் முட்டி கோலடித்து ஆட்டத்தைச் சமன்படுத்தி பார்சாவுக்கு அதிர்ச்சியளித்தார் ரியால் தலைவர் செர்ஜியோ ராமோஸ்.