மாணவர் முரசு
இ-பேப்பர்
சிட்னி: ஆஸ்திரேலியா= பாகிஸ் தான் அணிகளுக்கு இடையிலான மூன்றாவது மற்றும் கடைசி கிரிக்கெட் டெஸ்ட் போட்டியில் ஆஸ்திரேலிய அணி 220 ஓட்டங்கள் வித்தியாசத்தில் வாகை சூடியுள்ளது. ஆஸ்திரேலியா அதன் முதல் இன்னிங்சில் எட்டு விக்கெட்டுகள் இழப்புக்கு 538 ஓட்டங்கள் குவித்து 'டிக்ளேர்' செய்தது. பாகிஸ்தான் முதல் இன்னிங்சில் 315 ஓட்டங்கள் எடுத்தது. 223 ஓட்டங்கள் முன்னிலையில் ஆடிய ஆஸ்திரேலியா இரண்டாவது இன்னிங்சில் இரண்டு விக்கெட் டுகள் இழப்புக்கு 241 ஓட்டங்கள் குவித்து 'டிக்ளேர்' செய்தது. இதனால் பாகிஸ்தானுக்கு 465 ஓட்ட இலக்கு நிர்ணயிக்கப் பட்டது.
இரண்டாவது இன்னிங்சை ஆடிய பாகிஸ்தான் நேற்று முன் தினம் நான்காவது நாள் ஆட்டத்தின் முடிவில் ஒரு விக்கெட் இழப்புக்கு 55 ஓட்டங் கள் எடுத்து இருந்தது. நேற்று ஐந்தாவது மற்றும் கடைசி நாள் ஆட்டம் நடைபெற்றது. தொடர்ந்து விளையாடிய பாகிஸ்தான் 80.2 ஓவர்களில் 244 ஓட்டங்கள் எடுத்து அனைத்து விக்கெட்டு களையும் இழந்தது. இதனால் ஆஸ்திரேலியா 220 ஓட்டங்கள் வித்தியாசத்தில் அபார வெற்றி பெற்றது. பாகிஸ்தான் அணியின் சர்பிராஸ் அகமது அதிகபட்சமாக 72 ஓட்டங்கள் எடுத்து ஆட்டமிழக் காமல் இருந்தார். ஆஸ்திரேலியாவின் ஹேசல் வூட், ஸ்டீவ் ஒகிபி ஆகியோர் தலா மூன்று விக்கெட்டுகளையும் நேதன் லயன் இரண்டு விக்கெட்டு களையும் சாய்த்தனர்.
பாகிஸ்தான் வீரர் பாபர் அசாமின் விக்கெட் சாய்ந்ததைக் கொண்டாடும் ஆஸ்திரேலியாவின் ஜாஷ் ஹேசல்வூட் (வலது). படம்: ராய்ட்டர்ஸ்
