சச்சின்: எங்கும் எதிலும் இந்திய அணியால் சாதிக்க முடியும்

கோல்கத்தா: இப்போதைய இந்திய கிரிக்கெட் அணியால் உலகின் எந்த நாட்டிலும் எத்தகைய ஆடு களத்திலும் சாதிக்க முடியும் என்று அந்த அணியின் முன்னாள் சகாப்தம் சச்சின் டெண்டுல்கர் தெரிவித்துள்ளார்.
கோல்கத்தாவில் நேற்று நெடுந்  தொலைவு ஓட்டப் பந்தயத்தைக் கொடியசைத்துத் தொடங்கி வைத்த சச்சின், இவ்வாண்டு மத்தியில் இங்கிலாந்தில் நடக்க இருக்கும் உலகக் கிண்ணப் போட்டிகளில் வெற்றி மகுடம் சூட இந்திய அணிக்கே அதிக வாய்ப் புள்ளது என்றும் கணித்துள்ளார். 
போட்டியை ஏற்று நடத்தும் இங்கிலாந்து, எதிரணிகளுக்குப் பெரும் சவாலாக விளங்கும் என்ற அவர், நியூசிலாந்து அணியை உலகக் கிண்ணத்தின் ‘கறுப்புக் குதிரை’ என்றும் குறிப்பிட்டார்.
சொந்த மண்ணிலேயே அந்த அணி இந்திய அணியிடம் அடி வாங்கியபோதும் திறமையான பல ஆட்டக்காரர்களை அது கொண்டு உள்ளது என்றார் அவர்.
இதற்கிடையே, பந்தைச் சேதப் படுத்தியதால் தடைபெற்ற ஸ்டீவ் ஸ்மித், டேவிட் வார்னர் ஆகிய ஆஸ்திரேலியர்களின் தடைக்காலம் மார்ச் 29ஆம் தேதியுடன் முடி கிறது. அவர்கள் அணிக்குத் திரும்பியபின் ஆஸ்திரேலியாவும் அபாயகரமான அணியாக எழுச்சி பெறும் என சச்சின் குறிப்பிட்டார்.

இப்பகுதியில் மேலும் செய்திகள்

பந்தைப் பிடித்து விக்கெட்டைக் கைப்பற்ற முயற்சி செய்யும் பாகிஸ்தான் வீரர் முகம்மது அமீரை வைத்த கண் வாங்காமல் பார்க்கும் டேவிட் மில்லர். படம்: ஏஎஃப்பி

25 Jun 2019

தென்னாப்பிரிக்க அணியின் பயணம் முடிந்தது

அர்ஜெண்டினாவின் இரண்டாவது கோலைப் போடும் செர்ஜியோ அகுவேரோ (வலது). படம்: ராய்ட்டர்ஸ்

25 Jun 2019

கத்தாரைச் சாய்த்த அர்ஜெண்டினா

விக்கெட் எடுத்த மகிழ்ச்சியை விராத் கோஹ்லியுடன் கொண்டாடும் வேகப்பந்து வீச்சாளர் ஜஸ்பிரீத் பும்ரா (இடது). ஆட்ட நாயகன் விருதை பும்ரா தட்டிச் சென்றார். படம்: ஏஎஃப்பி

24 Jun 2019

விராத் கோஹ்லி: போராடி வென்றது முக்கியம்