யுனைடெட்டுக்காக காத்திருக்கும் ரெனியேரி

லண்டன்: இன்றிரவு 8.30 மணிக்கு இங்கிலிஷ் பிரிமியர் லீக் காற்பந்துப் போட்டி ஆட்டத் தில் ஃபுல்ஹம் குழுவும் மான் செஸ்டர் யுனைடெட் குழுவும் மோதுகின்றன.
யுனைடெட்டின் முன்னாள் நட்சத்திர வீரரான நார்வேயைச் சேர்ந்த ஒலே குனார் சோல்சியார் அக்குழுவின் இடைக்கால நிர்வாகியாகப் பதவியேற்றதிலி ருந்து  யுனைடெட் தொடர்ந்து வெற்றிகளைப் பதிவு செய்து வருகிறது. 
கடந்த பத்து ஆட்டங்களில் தோல்வியைத் தழுவாத யுனை டெட் சாம்பியன்ஸ் லீக் போட்டிக்குத் தகுதி பெறும் வாய்ப்பை வலுப்படுத்தியுள்ளது. 
சோல்சியாரின் தலைமை யின்கீழ் யுனைடெட் அதன் தாக்குதல் பாணி அணுகுமுறை யைக் கடைப்பிடித்து வெற்றியை ருசித்து வருகிறது. 
தற்போது லீக் பட்டியலில் நான்காவது இடத்தில் செல்சி யைவிட யுனைடெட் இரண்டு புள்ளிகள் மட்டுமே குறைவாகப் பெற்றுள்ளது.
மாறாக, இரண்டாம் நிலை லீக்குக்குத் தள்ளப்படும் அபாயத்தை ஃபுல்ஹம் எதிர் நோக்குகிறது. 
கடந்த ஐந்து ஆட்டங்களில் ஒரே ஓர் ஆட்டத்தில் மட்டும் அது வெற்றி பெற்றது.
ஆனால் இதை எல்லாம் கண்டு ஃபுல்ஹமின் நிர்வாகி கிளோடியோ ரனியேரி கவலைப் படுவதாக தெரியவில்லை. யுனைடெட்டின் வெற்றிப் பயணம் கண்டிப்பாக ஒரு முடிவுக்கு வரும் என்று அவர் கூறியுள்ளார். அதிலும் இன்றைய ஆட்டத்தில்  நிகழக்கூடும் என்று அவர் தெரி வித்தார்.

இப்பகுதியில் மேலும் செய்திகள்

கடந்த ஏழு ஆட்டங்களில் ஐந்து ஆட்டங்களில் யுனைடெட் தோல்வி அடைந்துள்ளது. இது அக்குழுவின் வீரர்களை மனந்தளரச் செய்யும் என்று அஞ்சப்படுகிறது. படம்: ஏஎஃப்பி

21 Apr 2019

‘உண்மை நிலவரம் தெரிய வேண்டும்’

செக் குடியரசின் ஸ்லாவியா பிராக் குழுவிற்கு எதிரான யூரோப்பா லீக் காலிறுதி இரண்டாம் ஆட்டத்தில் முற்பாதியிலேயே செல்சி நான்கு கோல்களை அடித்தது. முதல் கோலை அடித்து செல்சியின் கோல் கணக்கைத் தொடங்கிவைத்த பெட்ரோவே (இடது) அக்குழுவின் கோல் வேட்டையையும் முடித்து வைத்தார். அவரைப் பாராட்டும் சக செல்சி ஆட்டக்காரர் செஸார் அஸ்பிலிகுவெட்டா. படம்: ராய்ட்டர்ஸ்

20 Apr 2019

அரையிறுதியில் ஆர்சனல், செல்சி