எஃப்ஏ கிண்ணக் காலிறுதிச்  சுற்றுக்கு பேலஸ், உல்வ்ஸ் தகுதி

லண்டன்: இங்கிலிஷ் பிரிமியர் லீக் காற்பந்துக் குழுக்களான கிரிஸ்டல் பேலசும் உல்வர்ஹேம்டன் வான்டரர்சும் எஃப்ஏ கிண்ணக் காலிறுதிச் சுற்றுக்குத் தகுதி பெற் றுள்ளன.
மூன்றாம் நிலை லீக்கில் இடம்பெற்றுள்ள டோன்காஸ்டர் ரோவர்ஸ் குழுவை 2-0 எனும் கோல் கணக்கில் பேலஸ் நேற்று வென்றது. இப்போட்டியில் இன் னும் உள்ள ஆகக் கீழ்நிலை குழுவானது டோகான்ஸ்டர். இந்த ஆட்டத்தில் அக்குழு அதிக நேரம் பந்தைத் தனது சொந்த கட்டுப் பாட்டிற்குள் வைத்திருந்தாலும் இறுதியில் பேலசுக்கே வெற்றி வாய்ப்பு கிட்டியது.
இரண்டாம் நிலை லீக் குழுவான பிரிஸ்டல் சிட்டியை 1-0 எனும் கோல் கணக்கில் உல்வ்ஸ் வென்றது. 
பதினாறு ஆண்டுகளுக்குப் பிறகு எஃப்ஏ கிண்ணக் காலிறுதிச் சுற்றுக்கு உல்வ்ஸ் தகுதி பெற்றுள்ளது.
மற்றோர் ஆட்டத்தில் இரண்டாம் நிலை லீக் குழுக்களான சுவான்சியும் பிரண்ட்ஃபர்ட்டும் மோதின. 
இதில் சுவான்சி 4-1 எனும் கோல் கணக்கில் வென்றது.
ஏற்கெனவே, பிரிமியர் லீக் பட்டியலில் முதலிடம் வகிக்கும் மான்செஸ்டர் சிட்டி, எஃப்ஏ கிண்ணக் காலிறுதிச் சுற்றுக்குத் தகுதி பெற்றுவிட்டது. பிரைட்டன், வாட்ஃபர்ட் ஆகிய குழுக்களும் மேன்சிட்டியுடன் இணைந்துள்ளன.
இந்நிலையில், கடந்த பருவத்தின் எஃப்ஏ கிண்ண வெற்றியாளரான செல்சி, சிங்கப்பூர் நேரப்படி இன்று அதிகாலை நடைபெற்ற எஃப்ஏ கிண்ண ஐந்தாம் சுற்று ஆட்டத்தில் மான்செஸ்டர் யுனைடெட் குழுவுடன் பொருதியது. கடந்த பருவத்தில் எஃப்ஏ கிண்ண இறுதிச் சுற்றில் இந்த இரு குழுக் களும் மோதியது குறிப்பிடத்தக்கது.
கிரிஸ்டல் பேலசுக்கும் டோன்காஸ்டர் ரோவர்சுக்கும் இடையே நடைபெற்ற இந்த ஆட்டத்தில் டோன்காஸ்டரின் அல்ஃபி மே கோலடிக்கும் வாய்ப்பை நழுவவிட்டார். படம்: ராய்ட்டர்ஸ்
 

இப்பகுதியில் மேலும் செய்திகள்

'சி' பிரிவு ஆட்டத்தின்போது சிலியின் ஜோஸ் ஃபுவென்ஸாலிடா வும் (இடது) ஜப்பானின் டைகி சுகியோகாவும் இப்படி மோதிக் கொண்டனர். படம்: ஏஎஃப்பி 

19 Jun 2019

ஜப்பான் வீரர்களைத் திணறடித்த சிலி

'சி' பிரிவு ஆட்டத்தின்போது சிலியின் ஜோஸ் ஃபுவென்ஸாலிடா வும் (இடது) ஜப்பானின் டைகி சுகியோகாவும் இப்படி மோதிக் கொண்டனர். படம்: ஏஎஃப்பி

19 Jun 2019

அரை இறுதியை நோக்கி முன்னேறும் பங்ளாதேஷ்