கத்தாரில் நெய்மாருக்குச் சிகிச்சை

பாரிஸ்: வலது காலில் ஏற்பட்டுள்ள காயத்தால் அவதிப்பட்டு வரும் பிரேசில், பிஎஸ்ஜி குழுக்களின் ஆட்டக்காரர் நெய்மார் முழுமையான மருத்துவச் சோதனைக்காக கத்தார் செல்ல இருக்கிறார். ஆறு வாரங்களுக்குமுன் காயமடைந்த நெய்மார் பாரிசின் பிரின்சஸ் பார்க் அரங்கில் நேற்று முன்தினம் நடந்த மான்செஸ்டர் யுனைடெட் - பிஎஸ்ஜி குழுக்களுக்கு இடையிலான சாம்பியன்ஸ் லீக் ஆட்டத்தைப் பார்வையாளர் பகுதியில் இருந்து பார்த்தார். இந்நிலையில், கத்தாரில் உள்ள உலகப் புகழ்பெற்ற அஸ்பெட்டார் விளையாட்டு மருத்துவ மனைக்கு அவர் செல்லவுள்ளார் என்றும் அங்கு மூன்று நாட்கள் தங்கியிருப்பார் என்றும் பிஎஸ்ஜி குழு தனது டுவிட்டர் பக்கம் வாயிலாகத் தெரிவித்துள்ளது.

இப்பகுதியில் மேலும் செய்திகள்

மான்செஸ்டர் சிட்டியின் ஆறாவது கோலைப் போடும் ரஹீம் ஸ்டெர்லிங் (இடது). ஏற்கெனவே ஐந்து கோல்களை விட்டு விரக்தியுடன் இருந்த வாட்ஃபர்ட் கோல்காப்பாளர் சிட்டியின் இந்த கோல் முயற்சியையாவது தடுக்க பாய்ந்தார். ஆனால் அவரது இந்த முயற்சியும் தோல்வியில் முடிய ஸ்டெர்லிங் தமது ‘ஹாட்ரிக்’கை நிறைவுசெய்தார். படம்: ராய்ட்டர்ஸ்

20 May 2019

வாட்ஃபர்ட்டை ஊதித் தள்ளிய மேன்சிட்டி