மயாமி பொது விருது: நான்காவது சுற்றுக்குத் தகுதி பெற்ற ஜோக்கோவிச்

மயாமி: மயாமி பொது விருது டென்னிஸ் போட்டியின் நான்காவது சுற்றுக்கு செர்பிய வீரர் நோவாக் ஜோக்கோவிச் தகுதி பெற்றுள்ளார். ஆண்கள் ஒற்றையர் பிரிவில் நடைபெற்ற மூன்றாவது சுற்று ஆட்டத்தில் உலகத் தரவரிசையில் முதலிடத்தில் ஜோக்கோவிச் 7-5, 4-6, 6-1 என்ற செட் கணக்கில் அர்ஜென்டினா வீரர் பெடெரிகோ டெல்போனிசை தோற்கடித்தார். மற்றோர் ஆட்டத்தில் 22வது நிலை வீரரான பாடிவ்ஸ்டா அகுட் (ஸ்பெயின்) 6-4, 6-4 என்ற நேர்செட்டில் இத்தாலி வீரர் பாபியோ போக்னினியை வீழ்த்தி நான்காவது சுற்றுக்குள் அடியெடுத்து வைத்தார். நான்காவது சுற்றில் ஜோக்கோவிச்-பாடிவ்ஸ்டா அகுட் ஆகியோர் மோதுகிறார்கள். மற்ற ஆட்டங்களில் கைல் எட்மண்ட (இங்கிலாந்து), நடப்பு வெற்றியாளர் ஜான் இஸ்னர் (அமெரிக்கா), பெலிக்ஸ் அகெர் (கனடா), நிக்கலஸ் பாசிலாஷ்விலி (ஜார்ஜியா), போர்னா கோரிச் (குரோவே‌ஷியா), நிக்கலஸ் கிர்ஜியோஸ் (ஆஸ்திரேலியா) ஆகியோர் வெற்றி பெற்று நான்காவது சுற்றுக்குள் நுழைந்தனர்.