மூன்றாவது இடத்துக்கு முன்னேறிய செல்சி

லண்டன்: இங்கிலிஷ் பிரிமியர் லீக் பட்டியலில் செல்சி மூன்றாவது இடத்துக்கு முன்னேறியுள்ளது.
நேற்று முன்தினம் நடைபெற்ற காற்பந்து ஆட்டத்தில் வெஸ்ட் ஹேம் குழுவை 2=0 எனும் கோல் கணக்கில் செல்சி வீழ்த்தியது.
செல்சியின் இரண்டு கோல்களையும் ஈடன் ஹசார்ட் போட்டார்.
ஆட்டத்தின் 24வது நிமிடத்தில் பந்தைத் தமது கட்டுப்பாட்டில் வைத்துக்கொண்டு முன்னேறிய ஹசார்ட், மூன்று வெஸ்ட் ஹேம் ஆட்டக்காரர்களைக் கடந்து சென்று பந்தை வலைக்குள் அனுப்பினார். இந்த அபார கோல் வெஸ்ட் ஹேம் ஆட்டக்காரர்களை ஆட்டங்காண வைத்தது.
ஆட்டம் முடிய வினாடிகள் மட்டும் எஞ்சியிருந்தபோது செல்சி யின் இரண்டாவது கோலைப் போட்டு வெற்றியை உறுதி செய்தார் ஹசார்ட். செல்சிக்கு எதிராக கோல் போட முடியாமல் வெஸ்ட் ஹேம் தோல்வியைத் தழுவியது. இதற்கிடையே, செல்சி யிலிருந்து விலக ஹசார்ட் முடிவெடுத்தால் அவரது முடிவை மதிக்க வேண்டும் என்று செல்சியின் நிர்வாகி மொரிசியோ சாரி தெரிவித்துள்ளார்.
அடுத்த ஆண்டுக்குப் பிறகு செல்சியுடனான ஒப்பந்தத்தை நீட்டிக்க பெல்ஜியத்தின் நட்சத்திர வீரரான ஹசார்ட் மறுத்துவிட்டார்.
அவர் ஸ்பானிய லீக் ஜாம்பவான் ரியால் மட்ரிட்டில் இணையக்கூடும் என்று பேசப்படுகிறது.
"புதிய அனுபவத்தைப் பெற ஹசார்ட் விரும்பினால் அவரை செல்சியில் தக்கவைத்துக் கொள்வது சிரமம்.
"வெஸ்ட் ஹேம் குழுவுக்கு எதிரான ஆட்டத்தில் அவர் மிக அருமையாக விளையாடினார். அவர் சிறப்பாக விளையாடும்போது நாங்கள் எளிதில் வெற்றி பெறு கிறோம். ஹசார்ட்டை செல்சியில் வைத்துக்கொள்ள குழுவின் நிர்வாகம் விரும்புகிறது.
"நாங்கள் மேம்பட முயன்று வருகிறோம். இங்கிலாந்திலும் ஐரோப்பாவிலும் சிறந்த குழுக் களுக்கான பட்டியலில் இடம்பெற நாங்கள் விழைகிறோம். இருப் பினும், ஹசார்ட்டின் விருப்பத்தை நாங்கள் மதிக்க வேண்டும்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!