மட்ரிட்: ஸ்பானிய காற்பந்து லீக்கில் ரியால் மட்ரிட் குழு மீண்டும் வெற்றிப் பாதைக்குத் திரும்பியுள்ளது. நேற்று முன் தினம் நடைபெற்ற ஆட்டத்தில் அட்லெட்டிக் பில்பாவ் குழுவை 3-0 எனும் கோல் கணக்கில் அக்குழு வீழ்த்தியது.
இந்த ஆட்டத்தின் இரண்டா வது பாதியில் 'ஹாட்ரிக்' கோல் களை அடித்து மட்ரிட்டின் வெற்றிக்கு வித்திட்டார் பிரெஞ்சு ஆட்டக்காரர் கரிம் பென்ஸிமா.
இந்தப் பருவத்தில் 21 லீக் கோல்களைப் புகுத்தியுள்ளார் பென்ஸிமா. 2015ஆம் ஆண்டு முதல் இந்தப் பருவத்தில்தான் அவர் இத்தனை கோல்களை அடித்துள்ளார். மட்ரிட்டுக்காக தாம் விளையாடிய கடைசி ஏழு ஆட்டங்களில் மட்டும் பென்ஸிமா 10 கோல்களைப் போட்டுள்ளார்.
தான் கடைசியாக விளையா டிய ஆட்டத்தில் லெகானிஸ் குழுவுடன் சமநிலை கண்ட மட்ரிட், இப்போது இந்த வெற்றி யின் மூலம் பட்டியலில் 64 புள்ளிகளுடன் மூன்றாவது இடத்தில் உள்ளது.
பட்டியலின் முதல் இடத்தில் பார்சிலோனாவும் இரண்டாவது நிலையில் பரம எதிரியான அட்லெட்டிகோ மட்ரிட்டும் உள்ளன.