ஆட்டத்தின் கடைசி நேரத்தில் எடிசன் கவானி தலையால் முட்டி தள்ளிய பந்து கோல் வலைக்குள் சென்றதால் சிலியை 1-0 என்ற கோல் கணக்கில் வீழ்த்தியது உருகுவே. நான்கு ஆண்டுகளுக்குப் பிறகு கோப்பா அமெரிக்கா காற்பந்துத் தொடரில் நேற்று இக்குழுக்கள் மோதின. அப்போது, 82வது நிமிடத்தில் ஜொனாத்தன் ரோட்டிரிகஸ் கொடுத்த பந்தை கவானி கோலாக்கினார். முன்னதாக முற்பாதி ஆட்டத்தில் கிடைத்த அருமையான கோல்போடும் வாய்ப்பைத் தவறவிட்டு விட்டார் சுவாரெஸ்.
‘சி’ பிரிவில் முதலிடத்தைப் பிடித்த உருகுவே காலிறுதியில் பெருவிடம் வரும் 29ஆம் தேதி மோதுகிறது. அதே நாளில் சிலி, கொலம்பியாவை எதிர்கொள்கிறது. 28ஆம் தேதி பிரேசில், பராகு வேயும் வெனிசுவேலா அர்ஜெண்டினாவும் மற்ற காலிறுதி ஆட்டங்களில் மோதுகின்றன.