கொழும்பு: டி20 கிரிக்கெட்டில் ஆஸ்திரேலியா அணியின் முன்னாள் ஜாம்பவான் ரிக்கி பாண்டிங். டி20 அறிமுக போட்டியில் நியூசிலாந்துக்கு எதிராக 2005ல் 98 ஓட்டங்கள் குவித்தார். இதுதான் 14 ஆண்டு கால சாதனையாக இருந்தது. இந்நிலையில் டி20 உலகக் கிண்ணத் தகுதி தொடரில் கனடா அணி கெய்மன் தீவு அணியை எதிர்கொண்டது. இதில் கனடா அணியைச் சேர்ந்த ரவீந்தர் பால் சிங் (படம்) 48 பந்தில் ஆறு பவுண்டரிகள், 10 சிக்சருடன் 101 ஓட்டங்கள் குவித்தார். இதன்மூலம் அறிமுக போட்டியில் அதிக ஓட்டங்கள் குவித்த வீரர்கள் என்ற ரிக்கி பாண்டிங் சாதனையை 14 ஆண்டுகளுக்குப் பிறகு முறியடித்துள்ளார்.
டேவிட் வார்னர் 89 ஓட்டங்களும் கனடாவைச் சேர்ந்த ஹிரால் பட்டேல் 88 ஓட்டங்களும் குவைத்தைச் சேர்ந்த அட்னான் இட்ரீஸ் 79 ஓட்டங்களும் அடித்துள்ளனர்.