கிஹோன்: யூரோ 2020 காற்பந்து தகுதிச் சுற்று ஆட்டங்களில் ஸ்பெயின், இத்தாலி, சுவிட்சர்லாந்து ஆகிய குழுக்கள் வெற்றி பெற்றுள்ளன.
தனது சொந்த மண்ணில் நேற்று முன்தினம் நடைபெற்ற ஆட்டம் ஒன்றில் ஃபரோ தீவுகளை 4-0 எனும் கோல் கணக்கில் ஸ்பெயின் வீழ்த்தியது.
இந்த ஆட்டத்தையும் கணக்கில் சேர்த்தால் தகுதிச் சுற்றில் மொத்தம் ஆறு ஆட்டங்களில் ஸ்பெயின் வென்றுள்ளது. ‘எஃப்’ பிரிவில் ஏழு புள்ளிகளை அது பெற்றுள்ளது. அப்பிரிவில் இரண்டாம் நிலையில் உள்ள சுவீடன், நார்வேயுடனான ஆட்டத்தில் 1-1 எனும் கோல் கணக்கில் சமநிலை கண்டது.
மற்றோர் ஆட்டத்தில் பின்லாந்தை 2-1 எனும் கோல் கணக்கில் இத்தாலி வென்றது. ‘ஜே’ பிரிவில் இத்தாலி இதுவரை விளையாடிய ஆறு ஆட்டங்களிலும் வென்று 18 புள்ளிகளைப் பெற்றுள்ளது.
ஜிப்ரால்டர் குழு உடனான மற்றோர் ஆட்டத்தில் 4-0 எனும் கோல் கணக்கில் சுவிட்சர்லாந்து வாகை சூடியது. ‘டி’ பிரிவில் ஆக பலவீனமான குழுவாக ஜிப்ரால்டர் கருதப்படுகிறது.
அதே பிரிவில் ஜார்ஜியாவுக்கு எதிரான மற்றோர் ஆட்டத்தில் கோல் எதுவும் போட முடியாமல் டென்மார்க் சமநிலை கண்டது.