லண்டன்: நடப்பு இங்கிலிஷ் பிரிமியர் லீக் பட்டியலில் கடைசி நிலையில் இருந்து வந்த வாட்ஃபர்ட் காற்பந்துக் குழு, இப்போது ஒருபடி மேலே ஏறியுள்ளது.
நேற்று முன்தினம் பின்னிரவு நடந்த ஆட்டம் ஒன்றில், தன்னைவிட ஒருபடி மேலே இருந்த நார்விச் சிட்டியை 2-0 எனும் கோல் கணக்கில் வாட்ஃபர்ட் வென்றது. தனக்கு கிடைத்த இத்தோல்வியின் மூலம் பட்டியலின் கடைசி நிலைக்கு நார்விச் சறுக்கியுள்ளது.
கடந்த செப்டம்பர் மாதம் அனைவரையும் ஆச்சரியப்படுத்தும் வகையில் மான்செஸ்டர் சிட்டியைத் தோற்கடித்ததையடுத்து தான் விளையாடிய எந்த ஆட்டத்திலும் நார்விச் வெற்றி பெறவில்லை.