ஜார்ஜ்டவுன்: வெஸ்ட் இண்டீஸ் மகளிர் கிரிக்கெட் அணிக்கு எதிரான நான்காவது 20 ஓவர் போட்டியிலும் வாகை சூடிய இந்திய மகளிர் அணி 4-0 என தொடரில் முன்னிலை வகிக்கின்றனர்.
இந்திய வீராங்கனைகளின் ஒன்றிணைந்த பந்துவீச்சு வெஸ்ட் இண்டீசை நிலைகுலையச் செய்தது.
மழை காரணமாக ஆட்டம் ஓன்பது ஓவராக குறைக்கப்பட்டது.
முதலில் பந்தடித்த இந்திய அணி வீராங்கனைகள் அனைவரும் ஒற்றை இலக்கத்தில் ஆட்டமிழந்தனர். 9 ஓவர்களில் ஏழு விக்கெட்டுகளை இழந்து வெறும் 50 ஓட்டங்கள் மட்டுமே எடுத்தது இந்திய அணி.
பின்னர் ஆடிய வெஸ்ட் இண்டீஸ் அணியை தங்களது பந்துவீச்சு திறனால் வெஸ்ட் இண்டீசின் ஓட்டத்தைக் கட்டுப்படுத்தினர்.
நிர்ணயிக்கப்பட்ட 9 ஓவரில் நான்கு விக்கெட்டுகளை மட்டுமே இழந்தாலும் வெஸ்ட் இண்டீஸ் அணியால் 45 ஓட்டங்கள் மட்டுமே எடுக்க முடிந்தது.
எனவே ஐந்து ஓட்டங்கள் வித்தியாசத்தில் இந்திய வீராங்கனைகள் வெற்றி பெற்றனர்.