கோல்கத்தா: இந்திய கிரிக்கெட் அணி தற்போது பங்ளாதேஷ் அணியுடன் விளையாடி வருகிறது. மூன்று ஆட்டங்கள் கொண்ட டி20 தொடரை இந்தியா 2-1 என்ற கணக்கில் கைப்பற்றி இருந்தது.
இரு டெஸ்ட் தொடர்களில் இந்தூரில் நடந்த முதல் டெஸ்ட்டில் இந்தியா இன்னிங்ஸ் வெற்றி பெற்றது. இரண்டாவது மற்றும் கடைசி டெஸ்ட் பகல்-இரவாக கோல்கத்தாவில் நாளை தொடங்குகிறது.
இந்திய அணி அடுத்து வெஸ்ட் இண்டீசுடன் விளையாடுகிறது. அந்த அணியுடன் மூன்று டி20 ஆட்டங்களிலும் மூன்று ஒருநாள் ஆட்டங்களிலும் ஆடுகிறது.
டி20 போட்டிகள் டிசம்பர் 6 ஆம் தேதி (மும்பை), 8ஆம் தேதி (திருவனந்தபுரம்) மற்றும் 11ஆம் தேதி (ஹைதராபாத்) நடைபெறும். ஒருநாள் போட்டிகள் டிசம்பர் 15 ஆம் தேதி (சென்னை), 18ஆம் தேதி (விசாகப்பட்டினம்) , 22 ஆம் தேதி (கட்டாக்) நடைபெறும்.
வெஸ்ட் இண்டீசுக்கு எதிரான ஒருநாள் மற்றும் டி20 போட்டிக்கான இந்திய அணி இன்று அறிவிக்கப்படுகிறது.