மாணவர் முரசு
இ-பேப்பர்
லண்டன்: இங்கிலாந்து கவுண்ட்டி கிரிக்கெட் குழுவான லங்காஷயர் குழுவின் தலைவர் 71 வயதான டேவிட் ஹாட்ஜ்கிஸ் (படம்) கொவிட்-19 கிருமித் தொற்றுக்கு பலியானார்.
அவருக்கு ஏற்கெனவே சில உடல்நலப் பிரச்சினைகள் இருந்ததாகவும் கூறப்படுகிறது.
1998ஆம் ஆண்டில் குழுவில் இணைந்த இவர் 2017 ஏப்ரல் மாதத்தில் தலைவராக பதவி பெற்றார்.
இது தொடர்பாக லங்காஷயர் கிரிக்கெட் குழு வெளியிட்டுள்ள அறிக்கையில், "டேவிட் தனித்துவமான முறையில் கிளப்புக்கு சேவையாற்றியுள்ளார். பொருளாளர், துணைத் தலைவர், தலைவர் என்று பெரிய பொறுப்புகளைத் திறம்படக் கையாண்டார்.
அவரது குடும்பத்தினருக்கு எங்கள் ஆழந்த இரங்கலைத் தெரிவித்துக் கொள்கிறோம்," என்று கூறியிருந்தது.
இங்கிலாந்து கிரிக்கெட் வாரியத் தலைவர் கோலின் கிரேவ்ஸ் கூறும்போது, "லங்காஷயர் குழுவின் மிக முக்கியமான ஒரு அங்கமாகத் திகழ்ந்தார் டேவிட். நாட்டில் விளையாட்டை வளர்க்கவும், இளையோர்களைப் பெரிதும் ஊக்குவிக்கவும் செய்தவர் அவர்," என்றார்.