மாணவர் முரசு
இ-பேப்பர்
நியூசிலாந்து சென்றிருக்கும் பாகிஸ்தான் கிரிக்கெட் அணியில் தற்போது 7வது வீரருக்கு கொவிட்-19 உறுதி செய்யப்பட்டுள்ளது.
அங்குள்ள பாகிஸ்தான் குழு மீண்டும் திங்கட்கிழமை பரிசோதனைக்கு உட்படுத்தப்படும் என்று தெரிவிக்கப்பட்டது. தற்போது வீரர்கள் அனைவரும் அவர்களது அறையிலேயே இருக்குமாறு கேட்டுக்கொள்ளப்பட்டுள்ளனர்.
முன்பு, போட்டிக்காக தங்களைத் தயார்ப்படுத்திக்கொள்ள பயிற்சிக்கு அனுமதிக்கப்பட்டிருந்தது. அது தற்போது மீட்டுக்கொள்ளப்பட்டுள்ளது.
நான்கு நாட்களுக்கு முன்பு, நியூசிலாந்துக்கு வந்த முதல் நாளில் மேற்கொண்ட பரிசோதனையில் பாகிஸ்தான் வீரர்கள் அறுவருக்கு கொவிட்-19 இருப்பது உறுதிப்படுத்தப்பட்டது. ஆனால், பாகிஸ்தானிலிருந்து கிளம்பியபோது மேற்கொள்ளப்பட்ட பரிசோதனையில் அவர்களுக்கு கிருமித்தொற்று இல்லை எனத் தெரியவந்ததாகக் கூறப்படுகிறது.
நியூசிலாந்துக்குச் செல்வோர் 14 நாட்களுக்குத் தனிமைப்படுத்திக்கொள்ள வேண்டியது கட்டாயமாக்கப்பட்டுள்ள நிலையில், பாகிஸ்தான் குழுவைச் சேர்ந்த 53 பேருக்கும் திங்கட்கிழமை மீண்டும் கிருமித்தொற்று பரிசோதனை மேற்கொள்ளப்படும். விதிமுறைகளைப் பின்பற்ற வேண்டும் என பாகிஸ்தான் குழுவுக்கு இறுதி எச்சரிக்கை விடுக்கப்பட்டதாக நியூசிலாந்தின் சுகாதாரத்துரை தலைமை இயக்குநர் ஆஷ்லே புளூம்ஃபீல்டு தெரிவித்துள்ளார்.
