மாணவர் முரசு
இ-பேப்பர்
கடான்ஸ்க்: மான்செஸ்டர் யுனைடெட்டை வீழ்த்தி யூரோப்பா கிண்ணத்தை வென்ற வில்லாரியால் நிர்வாகி உனாய் எமிரே தமது குழுவினர் குறைகூற முடியாத வீரர்கள் என வர்ணித்துள்ளார்.
இங்கிலாந்தின் மான்செஸ்டர் யுனைடெட்டை பெனால்டி கோல்கள் மூலம் 11-10 என்ற கோல் எண்ணிக்கையில் வெற்றி கொண்டது வில்லாரியால்.
அதில் ரியால் குழுவின் கோல்காப்பாளரும் தமது பங்குக்கு கோல் போட்டு அசத்தினார்.
பின்னர் அவர் மீண்டும் கோல்காப்பாளராக மாறி யுனைடெட் கோல்காப்பாளர் ட கியாவின் பெனால்டி வாய்ப்பை எதிர்கொள்ளச் சென்றார்.
அதை எதிர்கொள்ள மட்டுமா அவர் சென்றார்.
இல்லையில்லை, ட கியா அடித்த பந்தைத் தடுத்து தமது வில்லாரியால் அணிக்கு கிண்ணத்தை பெற்றுத் தந்தார்.
இதுபற்றிக் கூறும் எமிரே, "யூரோப்பா கிண்ண ஆட்டங்களில் எங்கள் வீரர்கள், தொடக்க விநாடி முதல் குறை சொல்ல முடியாதபடி செயல்பட்டனர்.
"சில நாட்களில் மைதானத்திற்கு நாங்கள் காலை 6.00 மணிக்கே வந்துவிடுவோம். இதை எண்ணும்போது நாங்கள் எடுத்துக்கொண்ட முயற்சிகளுக்கு நல்ல பலன் கிடைத்துள்ளது.
"அந்த மகிழ்ச்சிகரமான தருணங்களை எண்ணிப் பேசியதுண்டு. இறுதிப் போட்டிக்கு செல்வது பெருமைக்குரியது. ஆனால், வெற்றி பெறவில்லை என்றால் முயற்சி சோகத்தில் முடியும்.
"வெற்றி என்பது முன்னோக்கிச் செல்லும் ஒரு முக்கியமான படி.
"இதுபோன்ற வெற்றித் தருணங்களுக்காகவே இந்தத் தொழிலில் இருக்கிறோம்.
"இந்த வெற்றியின் மூலம் ரசிகர்கள் பலருக்கு மகிழ்ச்சியைத் தந்துள்ளோம்," என்றார்.