மாணவர் முரசு
இ-பேப்பர்
தோக்கியோ: தமக்கு ஐந்து வயதானபோது மேசைப்பந்து மட்டையைக் கையில் பிடிக்கத் தொடங்கிய ஹெண்ட் ஸாஸா (இடது), அடுத்த ஏழே ஆண்டுகளில் ஒலிம்பிக் போட்டிகளில் பங்கேற்கும் அளவிற்குத் திறமையான வீராங்கனையாக உருவெடுத்துள்ளார். உள்நாட்டுப் போரால் சீரழிந்த சிரியாவைச் சேர்ந்த 12 வயது ஸாஸாவே இந்த ஒலிம்பிக்கில் பங்கேற்கும் ஆக இளம் போட்டியாளர்.
மாறாக, தமது 66வது வயதில் ஏழாவது முறையாக ஒலிம்பிக்கில் பங்கேற்கும் ஆஸ்திரேலிய குதிரையேற்ற வீராங்கனை மேரி ஹன்னா (வலது), இந்த ஒலிம்பிக்கின் ஆக வயதான போட்டியாளராக அறியப்படுகிறார். ஒலிம்பிக் வரலாற்றில் ஆக வயதான 2வது போட்டியாளரும் இவரே. பிரிட்டனின் லோர்னா ஜான்ஸ்டன் தமது 70வது வயதில் 1972ஆம் ஆண்டு நடந்த ஒலிம்பிக் போட்டிகளில் பங்கேற்றார்.
