ஆண்கள் ஹாக்கி: மீண்டு வந்தது இந்தியா

தோக்கியோ: ஆண்கள் ஹாக்கியின் ஏ பிரிவு ஆட்டத்தில் ஸ்பெயினை 3-0 எனும் கோல் கணக்கில் வென்றது இந்தியா. வெற்றியின் மூலம் போட்டியின் காலிறுதிச் சுற்றுக்குத் தகுதிபெறும் வாய்ப்பு இந்திய அணிக்கு அதிகரித்துள்ளது.

சென்ற ஆட்­டத்­தில் ஆஸ்திரேலியா­வி­டம் 7-1 எனும் கோல் கணக்­கில் படு­தோல்வி கண்ட இந்­தியா இம்­முறை மனந்­த­ள­ரா­மல் ஆடி­யது.

ஆண்­கள் ஹாக்­கி­யின் உல­கத் தர­வ­ரி­சை­யில் நான்­காம் இடத்­தில் உள்ள இந்­தியா, போட்­டி­யில் அதன் முதல் ஆட்­டத்­தில் நியூ­சி­லாந்தை 3-2 எனும் கோல் கணக்­கில் வென்­றது.

ஒன்­ப­தா­வது இடத்தை வகிக்­கும் ஸ்பெ­யின், போட்­டி­யில் இது­வரை ஆடிய மூன்று ஆட்­டங்களிலும் வெல்­ல­வில்லை. முதல் ஆட்­டத்­தில் அர்ஜென்டினாவு­டன் 1-1 எனும் கோல் கணக்­கில் சம­நிலை கண்­டது, அதற்­குப் பிறகு நியூ­சிலாந்திடம் 4-3 எனும் கோல் கணக்­கில் தோல்வி­யுற்­றது.

ஆண்­கள் ஹாக்­கி­யில் ஒலிம்­பிக் நடப்பு வெற்­றி­யா­ளரான அர்­ஜென்­டி­னா­வு­டன் அடுத்த ஆட்­டத்­தில் இந்தியா மோதுகிறது. கடைசியாக 1980 ஒலிம்பிக் விளையாட்டுகளின் ஆண்கள் ஹாக்கி போட்டியில் இந்தியா தங்கம் வென்றது.

ஹாக்கியில் தலைசிறந்த அணிகளில் ஒன்றாக விளங்கிய இந்தியா அண்மைக் காலமாக சற்று சிரமப்பட்டு வருகிறது.