நீச்சல்: எட்டாவதாக வந்த டின்

தோக்­கியோ: சிங்­கப்­பூர் நீச்­சல் வீராங்­கனை குவா டின் வெங் 100 மீட்­டர் எதேச்­சை­பாணி பிரி­வின் அரை­யி­று­திக்கு முன்­னே­றத் தவ­றி­னார். மொத்­தம் எண்மர் கலந்­து­கொண்ட 4வது தகு­திச்­சுற்­றில் டின் கடை­சி­யாக வந்­தார். நூறு மீட்­டர் தொலைவை நீந்த அவர் 56.36 வினா­டி­களை எடுத்­துக்­கொண்­டார். 2019 தேசிய வெற்­றி­யாளர் போட்­டி­களில் அவர் 54.62 வினா­டி­களில் நூறு மீட்டரை நீந்­திக் கடந்­தி­ருந்­தார். நாளை காலை நடக்­க­விருக்கும் 50 மீ. எதேச்­சை­பாணி நீச்­ச­லி­லும் டின் பங்­கேற்­க­வி­ருக்­கி­றார்.

தங்கத்திற்குக் குறிவைக்கும் ஸ்கூலிங்

ஒலிம்பிக்கில் சிங்கப்பூருக்கு முதன்முறையாகத் தங்கம் வென்று தந்த ஜோசப் ஸ்கூலிங், 100 மீட்டர் வண்ணத்துப்பூச்சி பாணி நீச்சலில் தங்கத்தைத் தக்கவைக்கும் முனைப்புடன் உள்ளார். இன்றிரவு 6.54 மணிவாக்கில் இடம்பெறும் ஐந்தாவது தகுதிச்சுற்றில் ஸ்கூலிங் போட்டியிடுகிறார். அரையிறுதிச் சுற்று நாளையும் இறுதிப்போட்டி நாளை மறுநாளும் இடம்பெறும்.