ஐபிஎல்: நான்காம் இடத்திற்கு மும்பை, கோல்கத்தா மல்லுக்கட்டு

அபு­தாபி: நடப்பு இந்­திய பிரி­மி­யர் லீக் (ஐபி­எல்) டி20 கிரிக்­கெட் தொட­ரில் மும்பை இந்­தி­யன்ஸ், கோல்­கத்தா நைட்­ரை­டர்ஸ் அணி­கள் நான்காம் இடத்தைப் பிடித்து, அடுத்த சுற்றுக்கு முன்னேறப் போட்டிபோடுகின்றன.

நேற்று முன்­தி­னம் இரவு நடந்த ஆட்­டத்­தில் மும்பை அணி ஆறு விக்­கெட் வித்­தி­யா­சத்­தி­ல் பஞ்­சாப் கிங்ஸ் அணி­யைத் தோற்­கடித்­தது. முத­லில் பந்­த­டித்த பஞ்­சாப் அணி 20 ஓவர்­களில் ஆறு விக்­கெட்­டு­களை இழந்து 135 ஓட்­டங்­களை மட்­டுமே எடுத்­தது.

இலக்கை விரட்­டிய மும்பை இந்­தி­யன்ஸ் 16 ஓட்­டங்­களில் இரண்டு விக்­கெட்­டு­க­ளைப் பறி­கொ­டுத்­தது. ஆயி­னும், சௌரப் திவாரி (45), ஹார்­திக் பாண்­டியா (40*) ஆகி­யோ­ரின் பொறுப்­பான ஆட்­டத்­தா­லும் பஞ்­சாப் அணி­யின் மோச­மான களக்­காப்­பா­லும் ஆறு பந்­து­கள் எஞ்­சி­யி­ருந்த நிலை­யில் அவ்­வணி வெற்­றி­பெற்றது.

முன்­ன­தாக நடந்த ஆட்­டத்­தில், கோல்­கத்தா அணி, இரண்­டா­மி­டத்­தி­ல் உள்ள டெல்லி கேப்­பிட்­டல்ஸ் அணிக்கு தோல்­வி­யைப் பரி­சாக அளித்­தது.

ஸ்டீ­வன் ஸ்மித் (39), ஷிகர் தவான் (24), ரிஷப் பன்ட் (39) ஆகி­யோ­ரைத் தவிர மற்ற வீரர்­கள் ஒற்றை இலக்­கத்­தில் வெளி­யே­றி­னர். இத­னால், டெல்லி அணி­யால் 20 ஓவர்­களில் ஒன்­பது விக்­கெட் இழப்­பிற்கு 127 ஓட்­டங்­களை மட்­டுமே எடுக்க முடிந்­தது. நிதிஷ் ராணா இறு­தி­வரை களத்­தில் நின்று 36 ஓட்­டங்­க­ளைக் குவிக்க, கோல்­கத்தா அணி 18.2 ஓவர்­களில் இலக்கை எட்டியது.

தற்போது 11 புள்ளிகளுடன் கோல்கத்தா அணி நான்காம் இடத்திலும் மும்பை அணி ஐந்தாமிடத்திலும் உள்ளன.