இறுதி வாய்ப்பை உறுதிப்படுத்தியது

நேஷன்ஸ் லீக் காற்பந்து: கடைசி நேர கோலால் கரைசேர்ந்த பிரான்ஸ்

டூரின்: தொடக்­கத்­தில் பின்­தங்­கி­னா­லும் எழுச்சி காண்­ப­தில் வல்­ல­வர்­கள் என்­பதை மீண்­டும் ஒரு­முறை மெய்ப்­பித்­தது பிரான்ஸ் காற்­பந்து அணி.

ஆட்­டத்­தின் 90வது நிமி­டத்­தில் தியோ ஹெர்­னாண்­டஸ் அடித்த கோலால், அரை­யி­று­தி­யில் 3-2 என்ற கணக்­கில் பெல்­ஜி­யத்தை வீழ்த்தி, ஐரோப்­பிய நேஷன்ஸ் லீக் காற்­பந்­துத் தொட­ரின் இறு­திச் சுற்­றுக்கு பிரான்ஸ் முன்­னே­றி­யது.

பிரான்ஸ் அணிக்­காக தியோ போட்ட முதல் கோலே முத்­தான கோலாக அமைந்­தது.

யானிக் கெராஸ்கோ 37வது நிமி­டத்­தி­லும் ரொமே­லு லுக்­காகு 40வது நிமி­டத்­தி­லும் அடித்த கோல்­க­ளால் முற்­பா­தி­யின் முடி­வில் 2-0 என்ற வலு­வான முன்­னி­லை­யு­டன் இடை­வே­ளைக்­குச் சென்­றது பெல்­ஜி­யம்.

இருப்பினும், தமது சிறப்பான செயல்பாட்டால் பிரான்ஸ் அணியை நெருக்கடியில் இருந்து மீட்­டார் கிலி­யன் எம்­பாப்பே.

58வது நிமி­டத்­தில் அவர் ஏற்படுத்தித் தந்த கோல் வாய்ப்பைக் கோட்டைவிட்டார் கிரீஸ்­மன்.

ஆனா­லும், அடுத்த நான்­கா­வது நிமி­டத்­தில் மேலும் ஒரு கோல் வாய்ப்பை ஏற்­ப­டுத்­திக் கொடுத்­தார் எம்­பாப்பே. இம்­முறை கரிம் பென்­சிமா பந்தை மின்­னல் வேகத்­தில் எதி­ர் அணி­யின் வலைக்­குள் தள்­ளி­னார்.

அதன்­பின் பெல்­ஜிய ஆட்­டக்­கா­ரர் யூரி டில­மான்­சின் தப்­பாட்­டம் கார­ண­மாக பிரான்­சுக்கு பெனால்டி கிட்ட, அதன்­மூ­லம் கோல­டித்து ஆட்­டத்­தைச் சம­நி­லைக்­குக் கொண்­டு­வந்­தார் எம்­பாப்பே.

அத­னை­ய­டுத்து, ஆட்­டம் கூடு­தல் நேரத்­திற்­குச் செல்­ல­லாம் என்று எதிர்­பார்க்­கப்­பட்ட நிலை­யில் பிரான்ஸ் அணிக்கு வெற்றி தேடித் தந்தார்.

இந்த ஆட்­டத்­தில் லூக்­கஸ், தியோ ஹெர்­னாண்­டஸ் சகோ­தரர்­கள் இணைந்து விளை­யா­டி­யது குறிப்­பி­டத்­தக்­கது.

மிலான் நக­ரின் சான் சிரோ விளையாட்டரங்கில் நாளை பின்­னி­ரவு நடக்­கும் இறு­திப் போட்­டி­யில் பிரான்ஸ்-ஸ்பெ­யின் அணி­கள் பொருதவி­ருக்­கின்­றன.