மாணவர் முரசு
இ-பேப்பர்
இஸ்தான்புல்: துருக்கி 'கிராண்ட் ப்ரி' போட்டியில் 11வது இடத்திலிருந்தாலும் முடிந்தவரை முழு வீச்சில் ஓட்டப்போவதாகவும் போட்டியை வெல்வது சிரமம்தான் என்றாலும் சாதிக்கமுடியாததல்ல என்று `ஃபார்முலா 1' நட்சத்திரம் லூயிஸ் ஹேமில்டன் கூறியுள்ளார்.
ஹேமில்டனின் 'மெர்சிடிஸ்' வாகனத்தின் இயந்திரத்தின் செயல்முறையை மாற்றியதால் துருக்கி போட்டி தொடங்குவதற்கு முன்னர் அவரின் நிலை 10 இடங்கள் இறக்கப்பட்டது.
`ஃபார்முலா 1' போட்டிகளில் பங்கேற்பதற்கு முன்னர் 2006ஆம் ஆண்டு 'ஜிபி2' போட்டியில் 19வது இடத்திலிருந்து இரண்டாம் இடத்திற்கு வந்த பெருமை ஹேமில்டனுக்கு உண்டு. சென்ற ஆண்டு துருக்கியில் நடைபெற்ற 'கிராண்ட் ப்ரி' போட்டியில் பிரிட்டனைச் சேர்ந்த ஹேமில்டன் வெற்றி கண்டார். போட்டி தொடங்குவதற்கு முன் அவர் ஆறாம் நிலையில் இருந்தார். மழையால் அப்போட்டியில் பந்தயத் தடம் ஈரமாக வழுக்கும் தன்மையுடன் இருந்தது.