மாணவர் முரசு
இ-பேப்பர்
டலின் (எஸ்டோனியா): ஐரோப்பிய கண்டத்திற்கான உலகக் கிண்ணக் காற்பந்துப் போட்டி தகுதியாட்டத்தில் எஸ்டோனியாவை 1-0 எனும் கோல் கணக்கில் வென்றுள்ளது வேல்ஸ். கோலை அடித்தவர் கீஃபர் மோர். இ பிரிவில் மூன்றாம் இடத்தில் உள்ள வேல்ஸ், இரண்டாம் இடத்தில் உள்ள செக் குடியரசு பெற்றுள்ள அதே புள்ளிகளை எடுத்துள்ளது. இத்தனைக்கும் வேல்ஸ் ஓர் ஆட்டம் குறைவாக ஆடியுள்ளது.
தகுதிச் சுற்றின் இறுதியில் பிரிவில் இரண்டாம் இடத்தைப் பிடித்தால் வேல்ஸ் 'பிளேஆஃப்' எனும் கடைசி தகுதிச் சுற்றுக்குச் செல்லும். அதன் மூலம் 64 ஆண்டுகளில் முதன்முறையாக உலகக் கிண்ணப் போட்டிக்குத் தகுதிபெற வாய்ப்புள்ளது வேல்ஸுக்கு.
பிரிவில் முதலிடத்தைப் பிடித்து நேரடியாக உலகக் கிண்ணத்திற்குச் செல்லவும் அணிக்கு வாய்ப்பு உள்ளது, ஆனால் அது சிரமம். உலகக் கிண்ணப் போட்டிக்குத் தகுதிபெறாமல் இருந்தாலும் கடந்த சுமார் 10 ஆண்டுகளாக வேல்ஸின் விளையாட்டு பெரிதும் மேம்பட்டுள்ளது.
2016ஆண்டில் வரலாற்றில் முதன்முறையாக யூரோ போட்டிக்குத் தகுதிபெற்றது வேல்ஸ். அதில் அரையிறுதிச் சுற்றுவரை முன்னேறியது. இவ்வாண்டு யூரோ 2020லும் அணி இடம்பெற்றது வேல்ஸ்.