அகுவேரோவிற்கு இதய வலி

பார்­சி­லோனா: ஆட்­டத்­தின்­போது இத­யத்­தில் வலி ஏற்­பட்­ட­தால் பிர­பல காற்­பந்து வீரர் சர்­ஜியோ அகு­வேரோ பரி­சோ­த­னைக்­காக மருத்­து­வ­ம­னை­யில் சேர்க்­கப்­பட்­டுள்­ளார். அலா­வெஸ் அணிக்கு எதி­ரான ஸ்பா­னிய லீக் ஆட்­டத்­தில் முன்­னாள் மான்­செஸ்­டர் சிட்டி வீர­ரான அகு­வே­ரோ­விற்கு இத­யத்­தில் வலி ஏற்­பட்­டது. திட­லில் அவ­ருக்கு சில நிமி­டங்­க­ளுக்கு சிகிச்சை அளிக்­கப்­பட்­டது. ஆட்­டத்­தின் 42வது நிமி­டத்­தில் அகு­வே­ரோ­விற்­குப் பதி­லாக ஃபிலீப் குட்­டின்யோ கொண்­டு­வ­ரப்­பட்­டார். திடலிலிருந்து நடந்தபடிதான்­ அகு­வேரோ வெளி­யே­றி­னார்.

இதய வலிக்­கான கார­ணத்தை அறிய மருத்­து­வ­ம­னை­யில் அகு­வேரோவிற்குப் பரி­சோ­த­னை­கள் மேற்­கொள்­ளப்­படும் எனத் தெரி­விக்­கப்­பட்­டது. 33 வய­தான அகு­வேரோ, உல­கின் ஆகச் சிறந்த முன்­னிலை ஆட்­டக்­கா­ரர்­களில் ஒரு­வர். ஆனால் கடந்த சுமார் ஈராண்டு­களாக அவர் அதி­கம் விளை­யா­ட­வில்லை, அடிக்­கடி காய­ம­டை­ய­வும் செய்­கி­றார்.

சென்ற வாரம் பயிற்­று­விப்­பா­ளர் ரோனல்ட் கூம­னைப் பணி­நீக்­கம் செய்த பார்­சி­லோனா அலா­வெ­ஸு­டன் 1-1 எனும் கோல் கணக்­கில் சம­நிலை கண்­டது. பார்­சி­லோ­னாவின் கோலை அடித்­த­வர் மெம்­ஃபிஸ் டிப்­பாய். லீக் பட்­டி­ய­லில் தற்­போது ஒன்­ப­தா­வது இடத்­தில் உள்­ளது பெரிய அள­வில் சிர­மப்­பட்டு வரும் பார்­சி­லோனா. இவ்­வணி நிதி நெருக்­க­டி­யா­லும் பாதிக்­கப்­பட்­டுள்­ளது.