சாவ் பாலோ: எஃப் 1 கார் பந்தய ஜாம்பவானான லுயிஸ் ஹேமில்டனின் வெற்றிப் பயணம் தொடர்கிறது. பிரேசிலிய எஃப் 1 கார் பந்தயத்தில் மெர்சடிஸ் குழுவைச் சேரந்த அவர் முதலிடம் பிடித்துள்ளார்.
இரண்டாவது இடத்தை மேக்ஸ் வெர்ஸ்டப்பன் பிடித்தார்.
இந்தப் பந்தயத்தில் வெற்றி பெற்றதன் மூலம் மாபெரும் வெற்றியாளர் பட்டியலில் முன்னிலை வகிக்கும் வெர்ஸ்டப்பனுடனான இடைவெளியைக் குறைத்துள்ளார்.
தற்போது ஹேமில்டனைவிட வெர்ஸ்டப்பன் 14 புள்ளிகள் அதிகம் பெற்றுள்ளார்.
மெர்சடிஸ் குழுவைச் சேர்ந்த வால்ட்டேரி பொட்டாஸ் மூன்றாவது இடத்தைப் பிடித்தார்.
போட்டியை அவர் முதலிடத்திலிருந்து தொடங்கினார் என்பது குறிப்பிடத்தக்கது.
கடந்த வெள்ளிக்கிழமையன்று பந்தய விதிமுறையை மீறியதாகக் கூறி ஹேமில்டனுக்குச் சில பெனால்டி புள்ளிகள் விதிக்கப்பட்டன.
இருப்பினும், கவனம் சிதறாமல் மிகவும் சிறப்பாக கார் ஓட்டி தமக்கு ஏற்பட்ட பின்னடைவுகளை முறியடித்தார் ஹேமில்டன்.
ஹேமில்டன் மிகவும் சிறப்
பாகச் செயல்பட்ட பந்தயங்களில் நேற்று முன்தினம் நடைபெற்ற பிரேசிலிய எஃப் 1 பந்தயமும் ஒன்று என்று அவருக்குப்
புகழாரம் சூட்டப்பட்டுள்ளது.