மாணவர் முரசு
இ-பேப்பர்
மான்செஸ்டர்: மான்செஸ்டர் யுனைடெட்டின் நிர்வாகியாக பொறுப்பேற்க தமக்கு விருப்பமில்லை என்று பிரான்ஸின் முன்னாள் நட்சத்திர ஆட்டக்காரரும் ரியால் மட்ரிட்டின் முன்னாள் நிர்வாகி
யுமான ஸினடின் ஸிடான் தெரிவித்துள்ளதாக தகவல்கள் வெளியாகி உள்ளன.
கடந்த சனிக்கிழமையன்று வாட்ஃபர்ட் குழுவிடம் 4-1 எனும் கோல் கணக்கில் யுனைடெட் படுதோல்வி அடைந்ததும் அதன் நிர்வாகியாக இருந்த ஒலே குனா சோல்சியார் பதவி நீக்கம் செய்யப்பட்டார்.
இதையடுத்து, அடுத்த நிர்வாகி யைத் தேடும் படலத்தை யுனைடெட் தொடங்கியுள்ளது.
ஸிடானை யுனைடெட் அணுகி யதாகவும் அவர் நிர்வாகி பதவியை ஏற்க மறுத்துவிட்டதாகவும் கூறப்
படுகிறது.
ஸிடானின் தலைமையின்கீழ் 2016ஆம் ஆண்டிலிருந்து தொடர்ந்து மூன்று சாம்பியன்ஸ் லீக் பட்டங்களை ரியால் மட்ரிட் வென்றது.
கடந்த ஆண்டு மே மாதம் அவர் ரியாலின் நிர்வாகி பொறுப்பிலிருந்து விலகினார்.
இதற்கு முன்பு 2018ஆம்
ஆண்டில் அவர் பதவி விலகினார். ஆனால் ஓராண்டு கழித்து அவர் ரியாலுக்குத் திரும்பினார்.
2020ஆம் ஆண்டில் அவர் தலைமையின்கீழ் ரியால், ஸ்பானிய லீக் காற்பந்துப் போட்டியையும் ஸ்பானிய சூப்பர் கிண்ணத்தையும் கைப்பற்றியது.
தற்போது எந்த ஒரு குழுவுக்கும் ஸிடான் பணியாற்றவில்லை என்று தெரிவிக்கப்பட்டுள்ளது.
ஆனால் பிரெஞ்சு லீக் காற்
பந்துப் போட்டியில் விளையாடும் பாரிஸ் செயிண்ட் ஜெமேனின் நிர்வாகியாகப் பொறுப்பேற்க ஸிடானுக்கு நாட்டம் இருக்கக்கூடும் என்று நம்பப்படுகிறது.
அக்குழுவின் நிர்வாகியாகப் பொறுப்பேற்க அவருக்கு அழைப்பு விடுக்கப்பட்டால் அதை அவர் உடனடியாக ஏற்கக்கூடும் என்று தெரிவிக்கப்பட்டுள்ளது.
இதற்கிடையே யுனைடெட்டின் நிர்வாகியாகப் பொறுப்பேற்க மொரிசியோ பொக்கெட்டினோ அடிக்கடி விருப்பம் தெரிவித்துள்ளார். தற்போது அவர் பாரிஸ் செயிண்ட் ஜெமேன் குழுவின் நிர்வாகியாகப் பதவி வகிக்கிறார்.
பொக்கெட்டினோவுக்குப் பதிலாக ஸிடானை நிர்வாகியாக நியமிப்பது குறித்து பாரிஸ் செயிண்ட் ஜெமேன் எண்ணம் கொண்டிருக்கவில்லை என்றும் தகவல்கள் வெளியாகி உள்ளன.
இப்படி எதுவும் உறுதியாகாத நிலையில் புதிய நிர்வாகி தொடர்பான அறிவிப்புக்காகத் தொடர்ந்து காத்திருக்க வேண்டிய நிலை யுனைடெட் ரசிகர்களுக்கு ஏற்பட்டுள்ளது.
தற்போது லீக் பட்டியலில் எட்டாவது இடத்தில் இருக்கும் யுனைடெட்டை மீண்டும் பழையபடி உச்சத்துக்குக் கொண்டு செல்ல யார் வருவார் என்று ஆவலுடன் அவர்கள் காத்துக்கொண்டிருக்கின்றனர்.
1990களில் யுனைடெட்டின் நிர்வாகியாக அலெக்ஸ் ஃபர்குசன் பதவி வகித்தபோது, இங்கிலிஷ்
பிரிமியர் லீக்கில் அக்குழுவுக்கு நிகராக வேறு எந்தக் குழுவும் இல்லை என்று பரவலாகப் பேசப்பட்டது. அக்காலகட்டத்தில் தொடர்ந்து பல கிண்ணங்களை யுனைடெட் கைப்பற்றியது.
அந்த நிலை இனி மீண்டும் திரும்புமா என்ற கேள்வி பலர் மனதில் எழுந்துள்ளது.