மான்செஸ்டர்: பிரான்சின் பிஎஸ்ஜி காற்பந்து அணியின் நிர்வாகியாக மொரிச்சியோ பொக்கெட்டினோவை இப்போதே நிரந்தரமாகத் தனது நிர்வாகியாக நியமிக்கும் முயற்சியில் மான்ெசஸ்டர் யுனைடெட்டிற்குப் பின்னடைவு ஏற்பட்டுள்ளதாகத் தெரிவிக்கப்பட்டுள்ளது. இது குறித்து யுனைடெட்டுடன் பேச்சுவார்த்தை நடத்த பிஎஸ்ஜி மறுத்துள்ளதாக சில தகவல்கள் கூறுகின்றன.
இதற்கிடையே, இந்தக் காற்பந்துப் பருவம் முடியும்வரை தற்காலிகமாகத் தனது நிர்வாகியாக இருப்பது குறித்து யுனைடெட், ஸ்பெயினின் பார்சிலோனாவின் முன்னாள் பயிற்றுவிப்பாளரான எர்னெஸ்டோ வால்வர்டேயைத் தொடர்புகொண்டதாகவும் முன்னதாகத் தெரிவிக்கப்பட்டுள்ளது.
சோல்ஷியா பணிநீக்கம் செய்யப்பட்ட பிறகு இந்தப் பருவம் முடியும்வரை ஒருவரை நிர்வாகியாக நியமிக்கப்போவதாக யுனைடெட் கூறியிருந்தது. அதுவரை கேரிக் நிர்வாகியாகப் பொறுப்பு வகிப்பார்.