சிட்டி கொடுக்கும் தலைவலி

மான்­செஸ்­டர்: யுயேஃபா சாம்­பியன்ஸ் லீக் காற்­பந்­துப் போட்­டி­யின் ஏ பிரிவு ஆட்­டத்­தில் மான்­செஸ்­டர் சிட்­டி­யி­டம் தோல்­வி­யடைந்­துள்­ளது பிஎஸ்ஜி. சென்ற பரு­வத்­தின் போட்­டி­யி­லும் அரை­யிறு­திச் சுற்­றில் இங்­கி­லீஷ் பிரி­மி­யர் லீக் அணியான சிட்­டி­யி­டம் தோல்வி­ய­டைந்­தது பிரான்­சின் பிஎஸ்ஜி. இப்­போட்­டி­யில் பிஎஸ்ஜிக்கு முட்­டுக்­கட்­டை­யாக இருக்­கத் தொடங்­கி­விட்­டது சிட்டி.

இவ்­வாட்­டத்தை 2-1 எனும் கோல் கணக்­கில் சிட்டி வென்­றது. இரு அணி­க­ளும் இரண்­டாம் சுற்­றுக்கு முன்­னே­றி­யுள்­ளன. இருந்­தா­லும் எந்­நே­ர­மும் மான்­செஸ்­டர் யுனை­டெட்­டின் அடுத்த நிர்­வா­கி­யாக ஆகக்­கூ­டும் எனப் பர­வ­லாகப் பேசப்­படும் பிஎஸ்ஜி பயிற்­று­விப்பாளர் மொரிச்­சியோ பொக்­கட்­டினோ, ஆட்­டத்­தின்­போது மிக­வும் அமை­தி­யா­கக் காணப்­பட்­டது சில தரப்­பி­ன­ரி­டையே ஆச்­ச­ரி­யத்தை ஏற்படுத்தியது.

தோல்வியடைந்தபோதும் தான் அணி­யை­விட்­டுப் போகக்­கூ­டும் என்ற வதந்தி பிஎஸ்ஜி வீரர்­க­ளைப் பாதிக்­க­வில்லை எனக் கூறினார் பொக்­கட்­டினோ. "விளை­யாட்­டா­ளர்­க­ளுக்கு நிலைமை நன்­றா­கப் புரி­யும் - இத்­து­றை­யில் வதந்­தி­கள் இருந்­து­கொண்­டே­தான் இருக்­கும், அவற்­றில் சில நம்­பிக்கை தரு­பவை, சில எதிர்­ம­றை­யா­னவை. அப்­ப­டித்­தான் இந்த வதந்­தி­க­ளை­யும் நாங்கள் பார்க்­கி­றோம்," என்று பொக்­கட்­டினோ குறிப்­பிட்­டார்.

உட­ன­டி­யாக பொக்­கட்­டி­னோ­வைத் தனது நிர்­வா­கி­யாக நிய­மிப்­பது குறித்து யுனை­டெட் கேட்­ட­தற்கு பிஎஸ்ஜி திட்­ட­வட்­ட­மாக மறுத்­த­தா­கத் தெரி­விக்­கப்­பட்­டது. இவ்­வி­வ­கா­ரம் குறித்து பொக்­கட்­டினோ இது­வரை எது­வும் பகிர்ந்­து­கொள்­ள­வில்லை. பிஎஸ்­ஜி­யில் அவர் சில­ரு­டன் ஒத்­துப்­போ­க­வில்லை என்­றும் சில தக­வல்­கள் கூறுகின்றன.

நட்­சத்­தி­ரப் பட்­டா­ளத்­தைக் கொண்ட பிஎஸ்­ஜியை வென்­ற­தன் மூலம் சிட்டி தனது ஆற்­றலை வெளிப்­ப­டுத்­தி­ய­தா­கச் சொன்­னார் இவ்­வ­ணியின் நிர்­வாகி பெப் குவார்­டி­யோலா.

"பிஎஸ்ஜி - அரு­மை­யான அணி, சிறப்­பான விளை­யாட்­டா­ளர்­கள், நான் சொல்­ல­வேண்­டுமோ? இத்­த­கைய வீரர்­களை எங்­கள் வலைக்கு அருகே வரா­மல் செய்ய முயன்­றோம். அருகே வந்­தால் அவர்­க­ளால் என்­ன­வேண்­டு­மா­னா­லும் செய்­ய­மு­டி­யும்," என்­றார் குவார்­டி­யோலா. சிட்டி, பிஎஸ்ஜி இரண்டும் சாம்பியன்ஸ் லீக் போட்டிகளில் இதுவரை ஏமாற்றம் தந்துள்ளன.