மாணவர் முரசு
இ-பேப்பர்
மான்செஸ்டர்: இங்கிலீஷ் பிரிமியர் லீக் பட்டியலில் தனக்கும் செல்சிக்கும் இருக்கும் புள்ளிகள் வித்தியாசத்தைக் குறைக்கத் துடிக்கிறது இரண்டாம் இடத்தை வகிக்கும் நடப்பு வெற்றியாளரான மான்செஸ்டர் சிட்டி காற்பந்து அணி. செல்சி ,யுனைடெட்டை வெல்லத் தவறி சிட்டி, வெஸ்ட் ஹேம் யுனைடெட்டிற்கு எதிரான தனது ஆட்டத்தை வென்றால் வித்தியாசம் குறையும். தற்போது செல்சி மூன்று புள்ளிகள் வித்தியாசத்தில் முன்னணியில் உள்ளது.
எனினும், நான்காம் இடத்தில் உள்ள வெஸ்ட் ஹேமை வெல்வது சவாலானது. அபாரமாக விளையாடிவரும் லிவர்பூலை வென்ற அணி வெஸ்ட் ஹேம்.
ஆனால் சென்ற வாரம் யுயேஃபா சாம்பியன்ஸ் லீக் ஆட்டத்தில் லயனல் மெஸ்ஸி, நேமார், கிலியோன் இம்பாப்பே போன்ற நட்சத்திரங்களைக் கொண்ட பிஎஸ்ஜியையே வென்றது சிட்டி. அதே உற்சாகத்துடன் இவ்வாட்டத்தில் சிட்டி களமிறங்கினால் இதனைத் தடுப்பது சிரமம்.
சுமாராக விளையாடிக்கொண்டிருக்கும் வேளையிலும் அதிரவைக்கும் கோல்களைப் போடக்கூடிய வீரர்கள் சிட்டியில் உள்ளனர். எதிர் அணி எந்நேரமும் மெத்தனமாக இருந்துவிட முடியாது.
எனினும், இவ்வாட்டம் சில தரப்பினர் எதிர்பார்க்கும் அளவு சிட்டிக்குச் சாதகமாக இல்லாமல் போகவும் வாய்ப்புள்ளது. காரணம், வெஸ்ட் ஹேமை அதன் நிர்வாகி டேவிட் மோயெஸ் இதுவரை நான்காம் இடத்தில் வைத்ததே எதிர்பார்ப்புகளை மீறிய செயல்.
