ஆகச் சிறந்த காற்பந்து வீராங்கனை புட்டெல்லாஸ்

பாரிஸ்: ஆகச் சிறந்த காற்பந்து வீராங்கனைக்கான 'பலோன் டு' வோர்' விருதைத் தட்டிச் சென்றுள்ளார் பார்சிலோனாவின் பெண்கள் அணித் தலைவர் அலெக்சியா புட்டெல்லாஸ். பெண்களுக்கான சாம்பியன்ஸ் லீக் போட்டியின் இறுதியாட்டத்தில் செல்சியை 4-0 எனும் கோல் கணக்கில் வென்றது பார்சிலோனா. அவ்வாட்டத்தில் கோல் போட்டார் 27 வயது புட்டெல்லாஸ். பெண்கள் சாம்பியன்ஸ் லீக் கிண்ணத்தை முதன்முறையாக வென்றது பார்சிலோனா. சென்ற பருவத்தில் ஐரோப்பாவிலேயே ஆக அதிக கோல்களைப் போட்ட மத்தியத் திடல் ஆட்டக்காரர் புட்டெல்லாஸ்.