நெதர்லாந்தின் முதல் தங்கமகன்

அபு­தாபி: இவ்­வாண்­டுக்­கான ஃபார்முலா ஒன் உலக விரு­தைக் கைப்­பற்­றி­யுள்ள மேக்ஸ் வெர்ஸ்­டாப்­பன், தனது கன­வுப் பய­ணத்தை நம்­ப­மு­டி­யாத ஒன்று என்று மிக­வும் உணர்ச்­சி­கரமாகக் கூறியுள்ளார். "நான் சிறு­வ­ன­ாக இருந்­த­போது ஃபார்முலா ஒன்று ஓட்­டு­ந­ராக இருக்­க­வேண்­டும் என்­ப­து­தான் எனது கன­வாக இருந்­தது. பந்­த­யங்­களில் வெல்­வ­தைக் கற்­பனை செய்து பார்த்­ததுண்டு. ஆனால் உலக விருதை வென்­று­விட்­டேன் என்று என்­னி­டம் சொல்­லும்­போது அது அபா­ர­மான ஓர் உணர்வு," என்று வெர்ஸ்­டாப்­பன் சொன்­னார்.

ஐக்கிய அரபுச் சிற்றரசுகளின் தலைநகர் அபு­தா­பி­யில் நடை­பெற்ற இப்பரு­வத்­தின் கடைசி பந்­த­யத்­துடைய இறு­திச் சுற்­றில் அதி­வே­க­மா­கத் தனது வாக­னத்தை ஓட்டி லுயிஸ் ஹேமில்­டனை பின்­னுக்­குத் தள்ளி வெற்­றி­கண்­டார், உலக விருதை வென்­றுள்ள முதல் நெதர்­லாந்து வீர­ரான வெர்ஸ்­டாப்­பன். இவ்­வி­ருதை எட்­டா­வது முறை­யாக வென்று சாதனை படைக்­கும் இலக்­கு­டன் இருந்­தார் ஹேமில்­டன்.

"பந்­த­யம் முழு­வ­தும் போரா­டி­னேன், கடைசி சுற்­றில் வெல்­வ­தற்­கான வாய்ப்பு அமைந்­தது, இது அபா­ர­மான ஒன்று," என்­றார் ரெட் புல்­லின் வெர்ஸ்­டாப்­பன். பந்­த­யத்­தில் வெர்ஸ்­டாப்­பன் எடுத்­துக்­கொண்ட நேரம் ஒரு மணி­நே­ரம் 30 நிமி­டம் 17.345 விநாடி. ஹேமில்­டன் இரண்­டா­வ­தாக வந்­தார், மூன்­றா­வது இடத்­தைப் பிடித்­த­வர் ஸ்பெ­யி­னைச் சேர்ந்த ஃபெராரி­யின் கார்­லோஸ் சாய்ன்ஸ்.

இதற்­கி­டையே, பந்­த­யத்­திற்கு ஒரு மணி­நே­ரத்­திற்­குப் பிறகு ஹேமில்­ட­னின் மெர்­சிடிஸ் குழு இரண்டு எதிர்ப்புகளை முன்­வைத்­தது. பந்­த­யத்­தின் கடைசித் தரு­ணங்­களில் பாது­காப்பு வாக­னம் ஈடு­ப­டுத்­தப்­பட்­டது விளை­யாட்டு விதி­மு­றை­களை மீறு­வ­தா­கும் என்று மெர்­சிடிஸ் கூறி­யது. பாது­காப்பு வாக­னம் ஈடு­ப­டுத்­தப்­பட்­ட­போ­து­தான் வெர்ஸ்­டாப்­பன் ஹேமில்­ட­னைத் தாண்­டி­னார் என்­பது அதன் வாதம். மெர்­சிடிஸின் எதிர்ப்­பு­கள் நிரா­க­ரிக்­கப்­பட்­டது. ஆனால், வெர்ஸ்­டாப்­ப­னின் வெற்­றிக்கு எதி­ராக மேல்­மு­றை­யீடு செய்­யப்­போ­வ­தாக மெர்­சிடிஸ் தெரி­வித்­தது.