வெர்ஸ்டாப்பன் ரத்தத்தில் கலந்தது ஃபார்முலா ஒன்

ஆம்ஸ்­டர்­டாம்: குழந்­தைப் பரு­வத்­தி­லி­ருந்தே ஃபார்முலா ஒன் வீர­ரா­கும் திறமை தனது மக­னி­டம் தென்­பட்­ட­தாக முன்­னாள் ஃபார்முலா ஒன் ஓட்­டு­ந­ரும் மேக்ஸ் வெர்ஸ்­டாப்­ப­னின் தந்­தை­யு­மான ஜோஸ் வெர்ஸ்­டாப்­பன் கூறி­யுள்­ளார். "அவன் மிக­வும் ஆவ­லாக இருந்­தான், நான் பங்­கேற்ற எல்லா பந்­த­யங்­களையும் பார்த்­தான், அவற்றை நன்கு புரிந்­து­கொண்­டான்," என்று ஜோஸ் வெர்ஸ்­டாப்­பன் தனது மக­னைப் பற்றி ஈராண்­டு­க­ளுக்கு முன் கூறி­யி­ருந்­தார். 1994ஆம் ஆண்­டி­லிருந்து 2003ஆம் ஆண்­டுக்கு இடைப்­பட்ட காலத்­தில் ஜோஸ் வெர்ஸ்­டாப்­பன் ஃபார்முலா ஒன்று பந்­தயங்­களில் போட்­டி­யிட்­டார்.

நான்கே வய­தா­ன­போது மேக்ஸ் வெர்ஸ்­டாப்­பன் கோ-கார்ட் வாக­னங்­களை முதன்­மு­த­லில் ஓட்­டி­ய­தாக ஜோஸ் தெரி­வித்­தார். "நான் அவனை நினைத்­துப் பெரு­மைப்­படுகி­றேன்," என்று மக­னைப் பற்­றிச் சொன்ன ஜோஸ், "இவ்­வாண்டு மேக்ஸ்­தான் (வெர்ஸ்­டாப்­பன்) ஆகச் சிறந்த ஓட்­டு­நர், விருதை வெல்­லத் தகு­தி­யா­ன­வன்," என்­றும் குறிப்­பிட்­டார்.

ஃபார்முலா ஒன் போட்­டி­யில் வெற்­றி­யைப் பார்க்­கா­ம­லேயே ஓய்­வு­பெற்­றார் நூற்­றுக்­க­ணக்­கான கிராண்ட் பிரீ பந்­த­யங்­களில் பங்­கேற்ற ஜோஸ் வெர்ஸ்­டாப்­பன். மேக்ஸ் வெர்ஸ்­டாப்­ப­னின் தாயான பெல்­ஜி­யத்­தைச் சேர்ந்த சோஃபி கும்­ப­னும், ஒரு முன்­னாள் கோ-கார்ட் ஓட்­டு­நர். அவ­ரது உற­வி­னர்­கள் சில­ரும் வெவ்­வேறு வாக­னப் பந்­த­யங்­களில் போட்­டி­யிட்­ட­வர்­கள்.

குடும்­பத்தாரின் பாதை­யிலே சென்று அவர்­க­ளையும் மிஞ்சி தனக்­கும் தனது தேசத்­திற்­கும் பெருமை சேர்த்துள்ளார் மேக்ஸ் வெர்ஸ்­டாப்­பன்.