பழைய அணிக்குத் திறமையை நினைவூட்டிய வீரர்

பாரிஸ்: பிரெஞ்சு காற்­பந்து லீக்­கில் தனது பழைய அணி­யான மொனாக்­கோ­வுக்கு எதி­ராக இரண்டு கோல்­க­ளைப் போட்டு பிஎஸ்­ஜியை வெற்றி­பெ­றச் செய்­துள்­ளார் கிலி­யோன் இம்­பாப்பே. இவ்­வாட்­டத்தில் 2-0 எனும் கோல் கணக்­கில் பிஎஸ்ஜி வென்­றது.

சில மாதங்­க­ளுக்கு முன் சற்று சிர­மப்­பட்­டுக்­கொண்­டி­ருந்த 22 வயது இம்­பாப்பே கடந்த சில வாரங்­க­ளாக அபா­ரமாக ஆடி­வருகிறார். தனது அணி­யில் உள்ள இதர நட்­சத்­தி­ரங்­க­ளான நெய்­மார், லய­னல் மெஸ்ஸி ஆகி­யோ­ரை­யும் மிஞ்சி பல­ரின் கவ­னத்­தைத் தன் பக்­கம் ஈர்த்­து­வ­ரு­கி­றார். ஐரோப்­பிய சாம்­பி­யன்ஸ் லீக் போட்­டி­யின் வர­லாற்­றில் 30 கோல்­க­ளைப் போட்­டுள்ள ஆக இளம் வீரர் என்ற பெரு­மை­யை­யும் சென்ற வாரம் பெற்­றார் இம்­பாப்பே.

பிரெஞ்சு லீக் பட்­டி­ய­லில் 13 புள்ளி­கள் வித்­தி­யா­சத்­தில் முத­லி­டத்தை வகிக்­கிறது பிஎஸ்ஜி. தொடர்ந்து மூன்று பரு­வங்­க­ளாக லீக் கிண்­ணத்தை வென்ற பிறகு சென்ற பரு­வம் பட்­டி­ய­லில் இரண்­டாம் இடத்தை மட்­டுமே இவ்­வணி பிடித்­தது. இம்­முறை அதற்கு ஈடு­கட்­ட­வேண்­டும் என்ற மன­வு­றுதி யுடன் விளை­யா­டி­வ­ரு­கிறது.

தற்­போது லீக் பட்­டி­ய­லில் இரண்­டாம் இடத்­தில் உள்­ளது ஒலிம்­பிக் மார்­செய். நடப்பு வெற்றி­யா­ள­ரான லில் 11வது இடத்­தில் உள்­ளது.