குலுக்கலில் வந்த களேபரம்

நியோன் (சுவிட்­சர்­லாந்து): ஐரோப்­பிய சாம்­பி­யன்ஸ் லீக் காற்­பந்­துப் போட்­டி­யின் இரண்­டாம் சுற்­றில் பிரான்­சின் பிஎஸ்ஜியும் ஸ்பெ­யி­னின் ரியால் மட்­ரிட்­டும் பொரு­த­வி­ருக்­கின்­றன. இங்­கி­லிஷ் பிரி­மி­யர் லீக் அணி­யான மான்­செஸ்­டர் யுனை­டெட்­டும் ஸ்பெ­யி­னின் அட்­லெட்­டிக்கோ மட்­ரிட்­டும் மோத­விருக்­கின்­றன.

மற்­றொரு பிரி­மி­யர் லீக் அணி­யான லிவர்­பூல், இத்­தா­லி­யின் இன்­டர் மிலா­னைச் சந்­திக்­கும். இப்­போட்­டி­யின் நடப்பு வெற்­றி­யா­ள­ரான பிரி­மி­யர் லீக்­கின் செல்சி, பிரான்­சின் லில்­லைச் சந்­திக்­கும். சென்ற பரு­வம் இறு­தி­யாட்­டத்­தில் செல்­சி­யி­டம் தோல்­வி­ய­டைந்த மான்­செஸ்­டர் சிட்டி, போர்ச்­சு­க­லின் ஸ்போர்ட்­டிங் சிபி­யு­டன் மோதும்.

இரண்­டாம் சுற்று பெரும்­பா­லும் பெரிய அணி­க­ளுக்­குச் சாத­க­மாக அமைந்­துள்­ளன. எனி­னும், சாம்­பி­யன்ஸ் லீக்­கில் எதிர்­பாரா முடி­வு­கள் அடிக்­கடி வரு­வ­துண்டு.

முத­லில் இடம்­பெற்ற குலுக்­க­லில் தவறு நேர்ந்­த­தால் அது மீண்­டும் மேற்­கொள்­ளப்­பட்­டது. முதல் குலுக்­க­லில் கிறிஸ்­டி­யானோ ரொனால்­டோ­வின் மான்­செஸ்­டர் யுனை­டெட்­டும் லய­னல் மெஸ்­ஸி­யின் பிஎஸ்­ஜி­யும் மோது­வது உறுதி­யா­னது.

தொழில்­நுட்­பக் கோளாற்­றால் தவறு நேர்ந்­த­தாக யுயேஃபா எனும் ஐரோப்­பி­யக் காற்­பந்து ஒன்­றி­யம் கூறி­யி­ருந்­தது. அந்­தத் தவ­றில் யுனை­டெட், லிவர்­பூல், அட்­லெட்­டிக்கோ ஆகி­ய­வற்­றின் இரண்­டாம் சுற்று ஆட்­டங்­க­ளின் குலுக்­கல் பாதிக்­கப்­பட்­ட­தா­கத் தெரி­விக்­கப்­பட்­டது.

ஐரோப்பிய சாம்பியன்ஸ் லீக் இரண்டாம் சுற்று ஆட்டங்கள்

1. எஃப்சி சால்ஸ்பர்க் X பயர்ன் மியூனிக்

2. ஸ்போர்ட்டிங் சிபி X மான்செஸ்டர் சிட்டி

3. பென்ஃபிக்கா X ஆயெக்ஸ் ஆம்ஸ்டர்டாம்

4. செல்சி X லில்

5. அட்லெட்டிக்கோ மட்ரிட் X மான்செஸ்டர் யுனைடெட்

6. விலாரியால் X யுவென்டஸ்

7. இன்டர் மிலான் X லிவர்பூல்

8. பிஎஸ்ஜி X ரியால் மட்ரிட்