சுதா­ரித்து வென்ற லிவர்­பூல்

லிவர்­பூல்: இங்­கி­லிஷ் பிரி­மி­யர் லீக்­கில் கொள்­ளை­நோய் பாதிப்­பால் பல முக்­கிய ஆட்­டக்­கா­ரர்­கள் விளை­யாட முடி­யாத நிலை­யில், நிலை­மையை ஒரு­வாறு சமா­ளித்து எதிர்த்­துப் போட்­டி­யிட்ட நியூ­கா­சலை 3-1 என வெற்றி கொண்­டது லிவர்பூல் குழு. இதில் லிவர்­பூ­லுக்கு அலெக்­சாண்­டர் ஆர்­னல்ட் போட்ட கோல் பல­ரை­யும் வியப்பில் ஆழ்த்தியது.

லிவர்­பூல் அணி­யில் கொரோனா பாதிப்­பால் அதன் நட்­சத்­திர தற்­காப்பு ஆட்­டக்­கா­ர­ரான வெர்­ஜில் வான் டைக், மத்­திய திடல் வீர­ரான ஃபேபின்யோ இரு­வ­ரும் கள­மி­றங்க முடி­யாத நிலை ஏற்­பட்­டது.

நிலைமை இப்­ப­டி­யி­ருக்க, ஆட்­டம் தொடங்கி ஏழு நிமி­டங்­க­ளி­லேயே நியூ­கா­ச­லின் ஜோன்ஜோ ஷெல்வி போட்ட கோலால் லிவர்­பூல் அதிர்ந்­தது.

பின்­னர் ஒரு­வாறு சுதா­ரித்­துக் கொண்ட லிவர்­பூல், முதல் பாதி ஆட்­டம் முடி­யும் முன்­னரே தாக்­கு­தல் ஆட்­டக்­கா­ரர்­க­ளான டியோகோ ஜோட்டா, முகம்­மது சாலா ஆகிய இரு­வ­ரும் போட்ட கோல்­க­ளால் முன்­னிலை பெற்­றது.

இத­னால், பிரி­மி­யர் லீக் தர­

வ­ரி­சைப் பட்­டி­ய­லில் நியூ­கா­சல் அணி எப்­போ­தும் போல் கடைசி நிலை­யி­லேயே தொடரும் நிலை ஏற்பட்டுள்ளது. பின்னர் அலெக்­சாண்­டர் ஆர்­னல்ட் ஆட்­டம் முடி­யும் தறு­வா­யில் போட்ட கோலால் லிவர்­பூல் அணி பட்­டி­ய­லில் முதல் நிலை­யில் இருக்­கும் மான்­செஸ்­டர் சிட்­டிக்கு அரு­கில் ஒரு புள்ளி வித்­தி­யா­சத்­தில் இரண்­டாம் நிலைக்கு முன்­னே­றி­யுள்­ளது.

இந்த கோல் பற்­றிக் கூறும் லிவர்­பூல் நிர்­வாகி யர்­கன் கிளோப், "என்ன அற்­பு­த­மான கோல் அது. அந்த சிறு­வன் பந்தை உதைக்­கும் விதம் புதிய உச்­சத்தை எட்­டி­யுள்­ளது," என்று புக­ழா­ரம் சூட்­டி­னார்.

நேற்­றைய ஆட்­டம் தொடங்­கும் முன் கொரோனா கொள்­ளை­நோய், அதற்­கான தடுப்­பூசி குறித்த பொய்த் தக­வல்­க­ளுக்கு செவி­சாய்க்­கா­மல் தடுப்­பூசி, கூடு­தல் தடுப்­பூசி மருந்­து­களை போட்­டுக்­கொள்­ளும்­படி தமது வீரர்­க­ளை கிளோப் கேட்­டுக்­கொண்­டார்.

ஆகக் கடை­சி­யாக லிவர்­பூல் குழு­வில் கர்­டிஸ் ஜோன்ஸ் என்ற வீர­ரும் கொரோனா பாதிப்­புக்கு ஆளா­கி­யுள்­ள­தாக தெரி­விக்­கப்­பட்­டுள்­ளது.

எனி­னும், தமது குழு­வி­னர் அனை­வ­ரும் முழு­மை­யாகத் தடுப்­பூசி போட்­டுக்­கொண்­டுள்­ள­னர் என்­றும் மேற்­கொண்டு எவ­ருக்­கும் பாதிப்­பில்லை என்றும் தெளிவுபடுத்­தி­யுள்ளார் நிர்வாகி கிளோப்.