பார்சிலோனா பெருமூச்சு, சவியா முழுவீச்சு

பார்­சி­லோனா: பல தரப்­பி­னர் எதிர்­பார்க்­காத அளவு சரிவைச் சந்திக்கும் ஸ்பெ­யி­னின் பார்­சி­லோனா காற்­பந்து அணி, ஒரு வழி­யாக மீண்­டும் வெற்­றிப் பாதைக்கு மாறிக்­கொண்­டுள்­ளது. லீக் பட்­டி­ய­லில் கடைசி சில இடங்­களில் உள்ள எல்­க­வைப் போராடி வென்­றது பார்­சி­லோனா.

ஆட்­டம் தொடங்­கிய 20 நிமி­டங்­க­ளுக்­குள் பார்­சி­லோனா இரண்டு கோல்­க­ளைப் போட்டு முன்­ன­ணிக்­குச் சென்­றது. ஆனால், பிற்­பா­தி­யில் 62வது நிமி­டத்­தில் தொடங்கி இரண்டே நிமி­டங்­களில் கோல் எண்­ணிக்­கை­யைச் சம­நிலைப்­ப­டுத்­தி­யது எல்க. எனி­னும், 85வது நிமி­டத்­தில் வெற்றி கோலைப் போட்­டார் பார்­சி­லோ­னா­வின் நிக்­கொ­லாஸ் கொன்­சா­லஸ்.

இவ்­வ­ணி­யின் விளை­யாட்டு இதன் முன்­னாள் நட்­சத்­தி­ரமும் தற்­போ­தைய பயிற்­று­விப்­பா­ள­ரு­மான ஷாவி ஹெர்­னாண்­டெ­ஸைத் திருப்­திப்­ப­டுத்­த­வில்லை. "பார்­சி­லோ­னா­வுக்­கென்றே உரிய விளை­யாட்டை நாம் இழந்­து­விட்­டோம், அதை மீட்­­க­வேண்­டும்," என்று ஷாவி குறிப்­பிட்­டார். "இவ்­வணி­யில் நான் இல்­லாத ஆறு ஆண்டு காலத்தில் மாறி­யுள்ள இதன் விளை­யாட்டு உத்­தி­கள் என்னை ஆச்­ச­ரி­யப்படுத்துகின்றன," என்று ஷாவி வருத்­தப்­பட்­டார். ஸ்பா­னிய லீக் பட்­டி­ய­லில் ஆகக் கடைசி நில­வ­ரப்­படி ஏழா­வது இடத்தை வகிக்­கிறது பார்­சி­லோனா.

இதன் இடத்தைப் பிடிக்கும் வீம்புடன் விளையாடிவருகிறது சவியா. பட்டியலில் இரண்டாவது இடத்தில் உள்ள சவியா, நான்காவது இடத்தில் இருந்த லீக்கின் நடப்பு வெற்றியாளரான அட்லெட்டிக்கோ மட்ரிட்டை 2-1 எனும் கோல் கணக்கில் வென்றது. பார்சிலோனாவைப் போல் சவியாவும் வெற்றி கோலை ஆட்டத்தின் கடைசி சில நிமிடங்களில் போட்டது. 88வது நிமிடத்தில் அந்த கோலைப் போட்டார் லூக்கஸ் ஒக்கம்போஸ்.

முத­லி­டத்­தில் உள்ள ரியால் மட்­ரிட்­டுக்­கும் சவி­யா­வுக்­கும் ஐந்து புள்­ளி­கள் வித்­தி­யா­சம் உள்­ளன. லீக் கிண்­ணத்­துக்­குக் குறி­வைத்து அமை­தி­யாக இயங்கி­வ­ரு­கிறது சவியா.